ازيكم جميعاً النهارده حبيبت افيديكم بأكله وااااااااااااااااو
مفيده جدا كلها خضروات وقليلة السعرات الحرارية وخاليه من الدهون تماماً
المقادير
بتجيبي يا ستي فلفل اخضر واحمر واصفر وبرتقالي وتاخدي نص من كل واحده
بتجيبي 3 بيضات كبيرة
+بصلتين حلوين كده
+ 2 حبة طماطم وسط
+ 2 معلقة شوفان كبيرة
+ 7 علبه مشروم طازج او معلب
+ حبات زيتون خالي من الملح
+معلقه بيكنج بودر
+ معلقه كبيرة واحده جبنة موتزريلا
ملح + فلفل + كمون _ على حسب تذوقك انتي ممكن بهارات عادي يعني
الطريقة
اولا لو عندك حلة بخار صغيره حطي فيها المشروم يستوي بسرعه على البخار لو مش عندك حطي حلة فيها شوية ميه وفوقها طبق استانلس او حاجة تخليه يستوي على البخار علشان مش عاوزين ندخل دهون احلى ابتسامة او ممكن طاسه تيفال فيها شوية ميه صغيره جدا وحطيه فيها لغاية ما ينزل ميته ويستوي
بعد كده بنجيب طبق غويط ونحط فيه البيض والبصل وكل المكونات اعلاه ومعلقة الموتزريلا ومعلقتين شوفان والبهارات و الكمون وكله كله حنضربهم مع بعض
بعد كده بتجيبي صينية وسط ومعلقة صغيره جدااااااا زيت تمسحي بيه الصينية وترشيها برشه بسيطه شوفان بدل الدقيق طبعا
بعد كده بنحطها على نار البوتاجاز ثواني لغاية ما البيض من تحت يمسك
وبعد كده حندخلها الفرن بتاعنا ونشغل الفرن من فوق وتحت شوية لغاية ما تعلى وبعدين نطفي الشوايه لعاية ما تستوي وبعدين نشغلها علشان الوش يحمر مش حبتاخد 10 دقايق في الفرن اصلا
يا رب تكون عجبتكم متنسوش التقيم
منقول للامانة
