حبيباتي عضوات منتدانا الغالي ومتابعين حلقات
مطبخ نفرتيتي
معادنا انهاردا مع حلقة جديدة ووصفات وافكار جديدة
تابعوني
الوصفة الاولى
مكرونة محمرة مع الخضار المشكل الوصفة دة من مطبخي وعلى طريقتي هي تعتمد اساسا على الاكل البايت
طبعا الخضار المشكل سواء طبيخ بالصلصة او شوربة بصراحة بالنسبة ليا دمة تقيل
اخرة يتاكل يوم واحد وبس ماينفعش يتاكل تاني
انا بقي بستفاد منة في اكلة جديدة لتاني يوم وبطريقة مافيش اسهل منها
كل الي هتعملية انك تحمري اي نوع مكرونة عندك
وبعدين تضيفي الخضار المشكل بالصلصة بتاعتة وتزودي شوية شوربة او مية وتضيفي فلفل اسود وملح
وتسيبها تستوى وتقدميها مع اللحمة او الفراخ
وممكن بنفس الطريقة بس بدل المكرونة تحمري رز ابيض او رز بسمتي
هيبقى جميل بالخضار وبألف هنا
الوصفة التانية
موز بالايس كريم للحفلات
Banana Split Mini Bites
موز بالايس كريم للحفلات
Banana Split Mini Bites
دة طريقة جديدة لتقديم الموز في الحفلات
هتقطعي الموز حلقات عريضة وتفرغيها من جوة وتعملي قاعدة من الشكولاتة
وتدخليها التلاجة عشان تتجمد وتطلعيها
وتحشيها ايس كريم وتغطيها بالكريمة زي الصورة
بس طبعا عارفين ان الموز بيسود بسرعه
عشان كدة بعد ماتقطعيها تعصري عليها شوية ليمون او تعملي الحلو وتقدميها على طول
الوصفة الثالثة
لفائف التوست بالقرفة
لفائف التوست بالقرفة
هتفردي االتوست بالنشابة وتقطعي الحواف وتغلفيها بالزبدة
هترشي على كل شريحة خليط من القرفة والسكر وتلفيهم زي الصورة
ترصي التوست في صينية الكب كيك وتدخليها الفرن تتحمر وتقدميها
سلام واشوفكم في حلقة جديدة الاسبوع الجاي ان شاء الله
الحلقات كلها موجودة هنا
برنامج اكلات وافكار جديدةلست البيت الشاطرة مع مطبخ نفرتيتي
وااو كالعادة مميزة
و افكارك سهلة و بسيطة يا شيف نفرتيتي
و افكارك سهلة و بسيطة يا شيف نفرتيتي
تم التكريم
و اضاف الخمس نجوم
و اضاف الخمس نجوم