دى طريقة بسيطة انا مجرباها وقولت افيد الكل بيها
حلة الضغط فكرتها ببساطة انها بتمنع خروج البخار اثناء تسوية الاكل وده بيساعد على سرعة التسوية …اوك
هتظبطى المية بصل وتوابل وغيره ولما تغلى تحطى اللحمة وغلوتين ونبدأ تنفيذ الخطة
احنا هنحاول نعمل نفس الفكرة …
هتجيبى الحلة العادية وغالبا لما تيجى تسلقى لحمة لانها من الاكلات اللى بتاخد وقت فى السوى ….
هتظبطى المية بصل وتوابل وغيره ولما تغلى تحطى اللحمة وغلوتين ونبدأ تنفيذ الخطة
اطفى النار "الاحتياط واجب"
هاتى ورق فويل يعنى ورق المونيوم يعنى ورق قصدير ….بكل اللهجات اهوه 
غطى بيه الحلة كويس واقفلى من كل جوانبها عشان مفيش اى بخار يتسرب منها نهاااائى وحطى فوق الفويل غطا الحلة "وطبعا بتكونى ماسكاه بفوطةمطبخ عشان ما تتلسعيش ..مش طالبه بطولة يعنى هههههه
وهدى النار حاولى ما تفتحيش عليها خلاص لحد ما تستوى ….او تتحرق لو المية مش كفايه طبعا
خدى بالك من حاجتين …
1- متخليش اى فويل نازل لتحت وملامس للنار لانه هيتحرق "اتنيه لفوق " قبل ما تولعى النار تانى
2- اعملى بطرف السكينه خرم صغير خالص فى الفويل عشان البخار الزيادة يطلع منه وما يضطرش يفتح الجوانب ويطلع منها
وبس خلالالاص…. كده اللحمة هتستوى فى نص الوقت المعتاد وعن تجربة وعلى ضمانتى …. 
وعلى فكرة انا بعمل كده فى اى اكلة مستعجلة عليها ممكن محشى , كباب حلة اللى يعجبك
لو عجبتك الفكرة قيمى بقى وخليكى جدعه 
فكرة جنان يسلم افكارك
واحلى تقييم لعيونك
بس حبة اعرف الخرم الصغير هنعملة فين باضبط
واحلى تقييم لعيونك
بس حبة اعرف الخرم الصغير هنعملة فين باضبط
تم التقييم
|
تسلمى ياغالية
فى المكان اللى انتى عايزة ياقمر
وانا تحت امرك فى اى خدمة
|
والله يا هموسة ياختى ماهو راضى يقيييم المرة دى
بس ليكى عندى واحد ياستى ولا تزعلى
تسلمى يا قمممممممر وتسلم افكارك الهايلة
يتصفح الموضوع حالياً : 9 (3 عدلات و 6 زائرة)