طبعا الطريقة مش في الصلاة نفسها بس هي خطوات انا بأعملها عشان أقدر أحافظ علي قيام الليل وناخد أجره و ثوابه
ياللا مش هأطول في المقدمة
ندخل في الموضوع علي طوووووووووووووول
بسم الله
ايوة من بالنهار
مش انتي لما يكون عندك ميعاد بالليل او ضيوف او حفل زفاف او حتي خروجة بتجهزي لها من الصبح؟
طيب ده أحلي ميعاد في الدنيا
طيب بأعمل ايه بقي؟
أول حاجة يا ستي انتي و هي
أخد معايا موبايلي او لاب توبي مكاننا المفضل ( المطبخ طبعا ) و هوووووووووووووووب علي اليوتيوب
و أسمع محاضرات دينية عن كذا حاجة تحرك القلب كده و تخليني اشتاق بس بصراحة عن حاجات تعلي الهمة
يعني حسن الخاتمة
علي خطي الحبيب للدكتور عمرو خالد اسمع كل يوم حلقة او اكتر طبعا سيرة الرسول عليه أفضل الصلاة و السلام بتهز اي قلب
ممكن قرآن
ممكن اسمع تفسير سورة معينة من شيخ أحب طريقته و تكون هي دي اللي اقوم بيها الليل
و ممكن اقرا في كتاب حلو زي
روائع التابعين او حسن الخاتمة
نيجي بقي لوقت اللقاء نفسه
بأبدأ قبل الفجر بساعة
أعمل ايه بقي؟
ركزي كده بقي
أول حاجة اروح علي المطبخ أعمل ماج النيسكافيه المحترم عشان ابقي فايقة كده مش منعوسة و بأنام علي روحي
, انا بأعمل ده بأشغل بردو اليوتيوب علي محاضرات قصيرة مقتطفات يعني عن قيام الليل عشان اشحن بطارية همتي
ازازة مية حلوة كده
مصحفي و سبحتي
و المصحف يا بنات بقي عندي شوية كلام عليه
ده أغلي كتاب عندنا
شوفي بقي خلي مصحف للقيام قصدي تصلي بيه و انتي ماسكاه ادهنيه شوية عطر بتحبيه مسك او حتي برفانك اللي بتحبيه و جلديه ايوة فيه جلاد جديد شفاف بيحافظ عليه
و السبحة كمان حطي نقطة عطر في ايدك و ادهنيها بيها
بعد كده جهزي بقي مكان صلاتك
سجادتك مغسولة زي الفل و معطرة طبعا بعطر هادي رقيق
طيب خلاص كده؟ تمام
روحي بقي علي التواليت 
ايوة ما تبصيليش كده هههههههههههههههههههه عشان مفيش حاجة تقاطعك و انتي بتصلي
مش قبل ما تخرجي بتحرصي انك تدخلي التواليت؟ طيب بتبصي لي كده ليه بقي هههههههههههه
المهم
تغسلي وشك باللوشن بتاعك و سنانك بالفرشاة و المعجون أو السواك براحتك
انتي متفاجئة ليه؟
انتي رايحة تقفي بين ايدين ملك الملوك و الملائكة هتكون حواليكي
ياللا بقي اتوضي بمية ساقعة
ايوة عشان تفوقي كده و تنعنشي
و روحي بقي البسي اسدالك النضيف انا بأخلي واحد مخصوص للقيام اصل ده لقاء غير عادي
و حطي شوية برفان بقي كده و سمي الله و ابداي بالصلاة
اختاري سور تكوني بتحبيها
ولو عايزة مني اقتراحات
سور
مريم
يوسف
يس
النجم
القمر
المدثر
المزمل
و طبعا تغيري بقي كل يوم و طبعا مش هتصلي بيهم كلهم
انا عارفة اني رغيت كتير بس كل ده مش هياخد غير ربع ساعة 
المهم
تعبتي بقي و عايزة ترتاحي بين الركعات ؟
حلو اوي
سبحتك جنبك اهي
هاتيها و ابدأي باذكار جديدة يعني غير اللي بنقولها بعد الصلاة
سبحان الله و الحمد لله و لا اله الا الله و الله أكبر
قولي بقي انتي
لا حول و لا قوة الا بالله
لا اله الا انت سبحانك اني كنت من الظالمين
سبحان الله و بحمده سبحان الله العظيم
و هكذا عشان تلاقي في كتابك يوم القيامة باذن الله كل أنواع الاذكار
المهم أذن الفجر ؟
ياللا صلاة الفجر و ما تنسيش ركعتي الفجر
و الفجر طبعا (اضافة جامدة صح؟ هههههههههههههههههههههههه)
طيب خلصتي
تعبتي؟
هتنامي ؟
حلو علي السرير يا بطة و قولي اذكار الصباح و نااااااااامي نوم العافية يا جميلة
انتي بقي ما تعبتيش و النسكافيه عمل عمايله و صاحية و فايقة شطورة
تعالي اقولك نعمل ايه
حاجة من اتنين :
يا تقري قرآن و تذكري ربنا
يا تقومي زي القمر كده علي المطبخ و تجهزي للغدا لأن حضرتك هتنامي الضهر طبعا
و انتي طبعا شاطرة هتقضي الوقت في المطبخ بقي استغفار و ذكر
ولو طلعت عليكي الشمس بقي ما تنسيش ركعتي الضحي و تبقي بكده أخدتي أجر حجة و عمرة تامة
و كده خلاااااااااااااااااااااااص
أتمني تكون طريقتي عجبتكم و يا رب تنفع اي حد و انشروها في اي منتدي زي ما انتم عايزين يمكن حد يستفاد منها
لا تنسووووووووني من دعائكم
الموضوع منقووووووووووووووووووووعلشااااااان عينوكم يا احباااااااائي
متنسونييييييييش في دعاااااائكم يا بناااااااات
أدعولي بالزوج الصالح عاجلا غيرا جلا
يااااااااااااااااااااااااااااااااارب
بحبكم في الله
عندي سؤال
انتي لما تصلي بالسور حافظاها ولا تقراي مالمصحف مباشرة
انا من فترة صديقة ليا هنا فالمدونة نصحتني بقيام اللي وصح شعور جميييييييييييييييييل جدا و راحة رااااااااااااائعة
لكني من فترة توقفت انتي حمستيني ان شاء الله أرجع
بارك الله فيك
|
متنسنيش في الدعاء في قيام الليل بالزوج الصالح عاجلا غير اجلا يارب العالمين
اشهد الله اني احببتك في الله
اسفة علي الاطااااااالة