ورجعنا تاني وحلقة جديدة من برنامج
مطبخ نفرتيتي
عاملالكم انهاردا اكلة مصرية شعبية جنان انا شخصيا بحبها جدااا
الحواوشي او رغيف اللحمه المفرومة
طبعا انا ماعنديش خبز بلدي فعملت العجينة بنفسي وحشيتها
مقادير العجينة
3 كوب دقيق
1 كوب لبن دافئ
شوية سكر
معلقة خميرة
رشة ملح وميه لو العجينة احتاجت
مقادير الحواوشي
نصف كيلو لحم مفروم
1 فلفل رومي
1 بصلة
بهارات وملح
بيضة
الطريقة
1-تخلطي مكونات العجينة مع بعض وتعجنيها كويس وتسبيها شوية تتخمر
2-تقطعي البصل والفلفل مكعبات صغيرة وتخلطيهم مع اللحمة
وتضيفي البهارات والملح والبيضة وتخلطيهم كويس
3-تقطعي العجينة كور صغيرة وتفردي كل قطعه وتضيفي عليها الحشو
وتغطيها بقطعه عجين تانية وتقفليها كويس من الاطراف.
4-ترصي الحواوشي في صينية مدهونة زيت
تدخلية الفرن على نار متوسطة وتتابعية لحد مايتحمر من ناحية وتقلبية يتحمر من الجهة التانية
تطلعيه وتقدميه بالهناء والشفاء
انا بحب اكله زي مابشترية من المحلات بيكون معاه سلطة طماطم
(طماطم مكعبات-خل-ليمون-شطة-كمون-فلفل رومي)
برنامج اكلات وافكار جديدةلست البيت الشاطرة مع مطبخ نفرتيتي
شكرا لحبيبتي نودا على توقيع الحلقة
هههههه
تسلم ايدك يا قطه
هاتى واحد بقا
جميل اوى يا انا
تسلم ايديكِ يا عمرى
بألف هنا يا احلى واجمل شيف
