هقولكم انهارده طريقة كشك الاسكندراني بالجمبري
ممكن يكون طريقته غير كده
بس دي طريقتي اتعلمتها من اخت جوزي
وصورتها
المقادير :
جمبري بلدي وده يفرق كتير عن المجمد في الطعم حوالي ربع كيلو بعد التقشير
توم _ فلفل حامي _ ملح _ معلقتين دقيق _ بكينج بودر _ ليمون
بصلة كبيرة _ حبة طماطم كبيرة
الطريقة :
سهل جدا
هقسمها 3 اقسام
اولا : بدق التوم والفلفل الحامي والملح واسيبهم علي جنب
ثانيا : اغسل الجمبري واحط عليه فلفل اسمر وعصير نص ليمونة
ثالثا : بضرب الدقيق مع الميه حتي يكونوا سائل زي الكريمة واحط عليه البكينج بودر
التطبيق :
في حلة تخرطي البصلة وتقليها لغاية ما اللون يصفر وتحطي عليها الطمطماية مضروبة
اول ما تتسبك نحط الجمبري ونقلب
وبعدين نحط الميه حوالي 4 كوبايات
وبعد ما تغلي ولان الجمبري مش بياخد سوا نحط اكتر من نص التوم بالفلفل اللي دقيناه
ونسيبها 3 دقايق
بعد كده نشيلها من علي النار
وايدي اليمين فيها المعلقة والشمال فيها خليط الدقيق بالميه والبكينج بودر
وننزل شوية شوة مع التقليب بسرعة عشان ماتكلكعش
وبعدين نحطها علي النار ونحط باقي التوم ونقلب علي نار هادية زي المهلبية
هنحس بيها بتتخن بس مش اوي
يبقي سمكها اتخن من الكريمة شوية
نغرفها في اطباق زي الشكل ده
وبعدين بيتحط عليها بصل محمر علي الوش او نعناع
انا بحبها بالنعناع بيدي طعم خرافة
اجيب النعناع الناشف البلدي
مطحون طبعا
واجيب طاسة فيها شوية زيت
اول الزيت ما يسخن اشيله من علي النار واحط النعناع
بلاش تحطي النعناع علي النار عشان ريحته ما تتغيرش وتروح
وبعدين بحطه علي وش كل طبق
وبيبقي بالشكل ده
بالهنا والشفا
تسلم ايديكي ..
amira ali, لولو حبيب روحي+
