النهاردة عملت كفتة برز عندنا فى مصر اسمها كده ودى بتتعمل فى الاعياد والمناسبات والافراح بس انا بحبها تكون سترة فى البيت فى الفريزر علشان وقت ما اكون تعبانة ومش قادرة اطبخ اطلع كيس من الفريزر مع حبة دمعة واعمل جنبهم شوية رز بالشعرية والرجالة لما ترجع من الشغل تلاقى اكل
رغيت كتير نرجع لمرجوعنا انا بصراحة مكنتش نزلت الموضوع قبل كده فقلت فرصة اعمله وانزله واهديه لمنتدانا الحبيب ويكون هنا حصرى
بس معلش الصور معرفتش انزلها اصغر من كده علشان الكمبيوتر بتاعى عطلان وبشتغل على اللاب بتاع ابنى
فمعذرة للصور الكبيرة
ندخل على
2 ك ارز مصرى
1 ك لحمة مفرومة
4 بصلات
1 راس توم
ملعقة كبيرة نعناع ناشف
2 مرقة دجاج
( ملح وفلفل وكمون وكسبرة وبودرة توم وبصل وكارى وكركم )
وللدمعة
1 ك طماطم
2 بصلة
ملعقة من توابلى الخاصة
ملح وفلفل وكسبرة
سمنة طبعا
بنغسل الارز كويس ونضع عليه البصل والتوم والخضرة والتوابل
ثم نوديها عند الجزار يضع عليها اللحمة المفرومة وتبقى بالشكل ده
ثم نصبعها مثل الصوابع بعد دهن اليد بالزيت وتكون بالشكل ده
ثم نقليها فى زيت غزير ثم نضعها فى مصقاة وتكون بالشكل ده
وللدمعة او الصلصة
نضع السمنة فى حلة ونضعها على النار
ثم نضع البصل المبشور ونتركه حتى يتلون ثم نضع فصين توم مدقوقين
ثم نضع الملح والفلفل وشوية كسبرة ناشفة ومكعب مرقة دجاج
ونتركهم يعلوا شوية ثم نضع الكفتة المحمرة فى الدمعة ونسيبها حتى تتشرب من الدمعة وتكون بالشكل ده
وبالف هنا وشفا
مع تحياتى
ام حمادة
