المقادير
كيلو الا ربع لحم فيها قطعه دهن (مش كتير عشان ميبقاش وسطها سايب)
بصله متوسطه
معلقتين برغل ناعم منقى ومنقوع فى ميه
طمطمايه وسط
ملح وفلفل اسمر
معلقه شاى بودره توم
كيسين كاتشاب
معلقه شاى بيكنج صودا(مهم عشان الكفته ميقلش حجمها)
هود بقدونس (مش كتير)
الطريقه
فرمت اللحمه بالمفرمه
معاها البصله والطماطم والبقدونس
حطيت التوابل والبرغل بعد ما صفيته وبودرة التوم
قلبت كويس بايدى حتى التجانس
صبعتها وممكن كمان تعمليها اقراص زى الهمبرجر
دخلتها الفرن(فرن كهرباء)فوق وتحت وحطيت للصنيه معلقه كبيره سمنه
ممكن تعمليها ع البوتاجاز بس هدى عليها تستوى من تحت وبعدين تديها وش فى الفرن او تقلبيها بس بشويش عشان متتكسرش(الفرن اسهل)
اول ما طلعت غطيتها عشان متنشفش
ممكن تجهزى فحمه وتحطيها وتقفلى الصنيه عليها علطول عشان ريحتها تكون مشويه او تكملى شويها ع الشوايه الشبك
دى صورتها بعد ما اتعملت
جربوها وان شاء الله بتعجبكم
فى انتظار جديدك
شكلها لذيذ
شكرا علي مجهودك يا طباخة بريمو
