الهدف : الرقى بالمستوى الانثوى العام والقضاء على مسببات فقدان الانوثة والجمال
وهى ان البنت مش عارفة تبقى انثى بجد وسلبيات كتيييييييير ذكرتها
بصوا كدا
** اول حاجة عاوزة اقولها ان كل بنت جميلة حتى لو اية بس ازاى تظهر انوثتها وجمالها دا المهم
** تانى حاجة ان الراجل لما بيطلب يتجوز واحدة جميلة هو واقعيا ميقصدش الجمال اللى طالبه من عيون خضرا وشعر اصفر وبياض لااااااااااااااااااا عاوز بنت بمعنى الكلمة ودا كان كلام كتييييييير جدا اعرفهم معرفة شخصية زى مثلا سعاد حسنى هنيجى نشوف انها ملامحها عادية جدا – مش بيضا اصلا ولا عيون خضرا ولا شعر اصفر بس كانت بنوووووووووتة جاذبية ودلع وخفة دم ورقة ورشاقة وشقاوة وتحسيها مهلبية ليةةةةةةةةةة لانها بجد عرفت تبقى انثى.
طيب ازاى تبقى انثى متكاملة؟؟؟؟؟؟؟؟؟؟ بصى ياستى
1– النظافة العامة والفائقة ودى موجودة فى الجروب فى قسم البشرة
2- اللبس والمظهر العام( ودا موضوعنا النهاردة)
3- اتيكيت التعامل ( هنتكلم عنها فى موضوعنا )
4- التدبير المنزلى ( نظافة المنزل – نظافة ادواتك الخاصة – تعلم الطهى للمبتدئات)
(موضوع خاص قريب ان شاء الله )
5- الشخصية الجذابة ( فى موضوعنا ان شاء الله )
6- الالتزام الدينى ودى ذكرتها اخر حاجة عشان دى محتاجة برنامج لوحده كبير متدرج ومفيد ان شاء الله هيكون فى القسم الاسلامى ( موضوع خاص بأذن الله )
طيب الموضوع بتاعنا هيتكلم فى اية بالظبط؟!!!!!!!!!!!!!!!!!
1- اشياء يجب مراعتها ولها وقع واثر قوى فى تقبل الغير لمظهرك العام
2- طريقة اختيار اللبس المناسب لشخصيتك ولجسمك والمناسب لاوقات اليوم ( لبس محترم فقط لاغير )
( مع انى بصراحة دايما احلم ان الناس الميتة قدامى ومحطوط فوق كل واحد يا علامة النار يا مش محطوط وبلاقى المنقابات الغالبية واللى لابسين عبايات محترمة وايشاربات كويسة بس هما اللى مش عليهم العلامة دى مع انى عمرى ما فكرت البسه بس الحلم دا بيخوفنى جدا وكذا حلم من النوعية دى)
3- طريقة اختيار الايشاربات والبندانات وطرق لفها بدون مبالغة واللى يليق مع كل وجه ووقت
4- طريقة اختيار الاحذية المناسبة ليكى ولاوقات اليوم وطرق الحفاظ عليها وتنظيفها
5- اختيار الملابس الداخلية المناسبة لجسمك وطرق الحفاظ عليها وتنظيفها
6- طريقة اختيار الالوان وتناسقها
7- اختيار الميكب المناسب لبشرتك ولاوقات اليوم والمناسبات وطريقة وضعه
8- اختيار العطور ( للمتزوجات فقط فى المنزل ) والانسات او للخروج تعطير الجسم فقط
9- كيف تصبحين امرأة جذابة
طيب الموضوع هيبقى على حلقات بأذن الله كل يوم حلقة ان شاء الله ربنا يقدرنى كدا على الموضوع دا
ان شاء الله بعد ما اخلص حلقات الموضوع وموضوع العناية الفائقة والمشاكل وحلقات موضوع الرجيم وموضوع التدبير المنزلى للمبتدئات وموضوع الالتزام الدينى بالتدريج ان شاء الله ناوية بأذن الله اعمل موضوع يجمع كللللللللللللل دول عشان يبقى مرجع للجميع بأذن الله
يالا يا جماعة عاوزة تشجيعومتنسوووووووووش التقييم
– نظافة الوجه ( كل البنات بتغسل وشها عادى وبتحط ميكب كمان اية الجديد ياعنى )
أ*- اول حاجة (شعر الوجه)
تلاقى البنت من دول بشنب ودقن ووشها مليان شعر وقال تقولك لا مش
هعمله غير لما اتجوز طب فى بالذمة جهل اكتر من كدا
لاااااااااااا لازم تعمليه لانه بيبقى باين جدا وبيخلى شكل الوش بشع ومقزز جدا وبيخلى شكل الوش مش نضيف وبيفرق فى الشكل جدا ولو الشعر خفيف جدا وبشرتك بيضاء شقريه هيبقى تمام
2- الوش الدهنى جدا ( طب البت الغلبانة وشها دهنى هتعمل اية ؟؟؟؟؟؟؟)
– هتستخدم صابون او غاسول خاص بالبشرة الدهنية واوعى من الصابون العادى دا بيزود الدهون جدا
– هنستخم كريمات خفيفة على البشرة وتكون خالية من الزيوت
– هنحط كريمات اساس اويلى فرى وبودر خفيف وهنخلى الباودر معانا فى الشنطة
– هنحط فى الشنطة دائما مناديل مبللة الخاصة بالاطفال عشان لو حسيتى وشك باظ هتمسحى وشك وهتحطى باودر خفيف كدا بس دا لو الجو الحر وفى خدعة حلوة اوووووووووووووووى خلى معاكى فانشينج كريم دا اسمه تمارا بيشيل الدهون من الوش خاااااااالص وب 1.25جنية من الصيدلية وفوقه باودر خفيف
3- الايدى والاظافر ( يالهوى دى طلعت من اول الحاجات اللى بيبصوا عليها الناس اصلا)
أ*- الايدى الجافة والمتقشفة
– لااااااااااااااازم ترطبيها دايما
– وتكون مفهاش شعر خاصة اللى فى الاصابع بجد شىء بشع
ب*- الاظافر المتسخة – المتكسرة – اللى فيها بقايا مناكير او حنة بجد حاجة حقيرة
والناس بتقرف جدا من المنظر دا
فاهتمى بمنظرهم جدا جدا ياعنى تنضفيهم من بليل وتقصى المكسر ولو فى باقى مانيكر هتشليه طبعا ولو حنة لااااااازم تجدديها كل ما تبتدى تروح عشان شكلها بيبقى وحش جدا
4- الجذمة المتسخة والموجود بها عيوب
قطع ولا حاجة دى بقى من ابشع المناظر تلاقى البت استيل وشيك وشكلها ماشاء الله وتلاقى الجذمة مقطوعة مش نضيفة احذرى ثم احذرى من الموضوع دا
– لو جزمك ملونة هتنضفيها كلها مرة فى الاسبوع تنضيف جامد بقماشة مبلولة بسيط وبعدها سفنجة وفيها زيت طعام
– لو سودا هتعمليها ورنيش طبعا مرتين فى الاسبوع وباقى الايام بقماشة هتنضفيها وبرايت شوز ولااااازم يبقى معاكى البرايت شوز فى الشنطة
5- الملابس الضيقة
والله العظيم كل الرجالة بالكامل بتحتقر صاحبة اللبس دا واصلا بيخلى شكل الجسم وحش بعيدا عن الحرمانية
وبيبقى شكل الواحدة مستفز ( ودا اصلا مش من قواعد الاتيكيت )
***- اكتر مظهر مستفز للرجالة وبيكرهوه جدا والله بيتريقوا على البنت اللى لابساه – غير انه مش محترم
– البنت تبقى لابسة البنطلون الاسكينى اياه يالهوى ع التريقة واللى يقول رجلهم معوجة واللى واللى بجد منظر متخلف لما بشوفه بفتكر حديث الكاسيات العاريات اصله بحس بيكشف اكتر ما بيستر
– وياسيدى لو لابسة بوت كعبه عالى ومدخالة البنطلون جواه فى سر خطير فى الموضوع دا مقدرش اقوله على العام بصوا انا هكتبه وربنا يستر لول الاداراة شايفاه صعب ياريت تحذفه انا سمعته من واحد بيتكلم فى المكروباص مع واحد صاحبه وقاله كدا
( يقال ان فى الافلام الاباحية دائما تبتدى بمنظرفتاه ترتدى بوت كعبه عالى ومدخلة البنطلون جواه )
يالهووووووووووووى انا لما سمعتهم اتحرجت جدااااااااااااااا وقولت ياعنى البنات الغلبانة فاكرة انها كدا
بقت استيل وهما بيحتقروا المنظر دا جدا – ( انا مجبتش سيرة حرام وحلال اهو)
6- طريقة الايشاربات (اللى تحسيها طالعة لفوق)
كداكأنها حاطة حاجة فوق دماغها بجد مظهر مستفز
ومفهوش ريحة الجمال اصلا وبردوا اللى بتحط 4 ولا 5 ايشاربات ودول هاتك يا تريقة
غير ان المظهر فعلا وحش جدا جدا جدااااااااااااااااا
7- وضع البرفان
اه والله وضع البرفان تصدقى ان فى امريكا اللى بتحط برفان فى مكان مغلق او مواصلات بيعتبروها ضد
حقوق الانسان (مش فى كل الاماكن طبعا ) بس انا مرة شفتها فى التلفزيون والله العظيم
اه دا ليةةةةةةةةةةة ؟؟؟؟؟؟؟؟؟؟؟
لاحظى كدا البرفان اذاواق الناس زمبها اية تشم برفانك اللى انتى بتحبيه وممكن غيرك مبيحبهوش
– وغيرك عنده حساسية – وفى ناس بتتخنق من ريحة اى برفان ويالهوى لو كان تركيب
هنحط برفان خفيف جدا من الهدوم من جوا ولو رولتس تمام بحيث ان ريحته متطلعش خاااالص الا لو واحدة لازقة فيكى او واحدة سلمت عليكى بالاحضان بس هما دول اللى يشموه
8- الهدوم المتسخة ووضع البرفان عليها وريحة العرق
– النضااااااااااافة ياعنى البادى ميتلبسش اكتر من مرة واى شميز بردو
– هتلبسى تى شيرت قطن ضرورى تحت الهدوم نضيف يوميا هاتى اتنين من ابو 7.5 ياستى وبدلى فيهم
– الاستحمام اليومى
– وغسل تحت الابط بصابونة الكبريت ووضع مزيل عرق بلية دوارة ووضع بودرة معطرة على الجسم
9- الشفاة المشققة والموجود عليها بقايا روج
احذرى من المنظر دا دا شكله مقرف جدااااااااااااااااااااا
7- استخدام زبدة كاكاو بانتظام واخدها معاكى فى شنطتك دائما
8- استخدام روج ماركات نضيفة وبلاش ابو 2.5 بيبوظ الشفاة بجد
9- استخدام ليب جلوس نوع نضيف ودا الافضل فى الصباح وميكونش لامع اوى
10- الميكب الغير مناسب لاوقات اليوم
ياعنى حرام عليكى وشك مش تلاقى على الصبح البنت من دول حاطة 7 كيلوبودرة مائية
وزيهم روجاجو واى شادو ملهوش علاقة بالموقف واللى تبقى رايحة الكلية وعاملة لوك ملهوش حل
بالاى شادو وقال بتفنن ومش مراعين ان اللى يتخرج بيه الصبح غير بليل واللى يتراح بيه الكليات
غير الشغل غير الخروج لا لازم تراعى بجد وبعد كدا هنتكلم عن طرق وضع الميكب وانواعه واوقاته
11 – اللى بتطلع قصة من الايشارب
دا بقى زى فكرة البوت بس على الواقع بمعنى
الر جالة بيقولوا عليها الكلام دا
– قصة الفلاحة
– مايصة و…….. وعاوزة اى واحد
– دى بنات واقعة ياعم خلى بالك
– لو صابغة شعرها يبقى وقعت فى شر اعمالها بيقولوا دى ( فتاة ليل ) دا خطيبى اللى قال
كدا وبابا بردوا بيقول كدا وخطيب اختى قالوا نفس الكلام
والله مرة ماشية انا وخطيبى وشفنا بنت لابسة عادى جدااا بس مطلعة القصة وسابغة شعرها اصفر عارفة قالى اية ؟؟؟؟؟؟؟ قالى اهى دى واحدة (من اياهم ) ولما قولتله حرام وكدا قالى انتى متعرفيش حاجة دى منهم امال عاملة كدا لية وقعد يحلف
وقالى دا لو واحدة بتعمل كدا والله ما كنت اعرفها ومش انا لوحدىدى ودى !!!!!!!!!!!!
بلااااوى
دخلى شعرك جوا وسيبك من الهبل دا مش دى اللى زودتك حلاوة والله هيتقال عنك اسوء كلام ومش هنمسك لسان كل واحد ومش هنعض نقنع فيهم وعلى فكرة الكلام بينهم بينتشر بسرعة الصاروخ لا صاروخ اية بسرعة الضوء فاحذرى بجد كلهم بيعرفوا من بعض وما بيصدقوا
دول كانوا اهم مظاهر بشعة بجد تنقص من اوثتك ومظهرك قدام الناس عامة وبكدا تكون خلصت الحلقة الاولى
انتظرونى فى باقى الحلقات
عندك الف حق
يعطيكى العافيه