رايت حلم في وقت العصر
معلومات عني
انسه غير مرتبطه ولا متزوجه
عمري 22
لم يسبقه استخاره او اي شئ ولا رقيه
الحمد لله حالتي الدينيه جيده
البس الزي الاسلامي
ولست اعاني من اي مشاكل
الحلم
انا قعده في الاوضه وببص من الشباك لاقيت زي نجمه نزله من السماء
بس لونها اخضر مزرق ونزلت علي حدود الجنينه بتاعتنا
فانا قلت ايه ده ده اكيد رزق
انا هروح بسرعه عشان الحقه
فركبت العربيه وروحت انا وماما وبابا بس لاقيت ان كل البضاعه اللي في النجمه
اتخدت والناس بتبيع فيها فزعلت
فبابا قال انا هروح اسال يمكن في حاجه متخديتش
وقلت في نفسي لو كان ليا نصب كنت اخدتها
لاقيت بابا راجع ومعاه فلوس وبيقولنا ده بيدوا فلوس للناس اي حد بيروح يسال بيدوله 115
فماما اخدتهم وبعدين ماما قالت تعالا نتفرج يمكن تعجبنا حاجه نشتريها
فروحنا لاقينا كل حاجه اتباعت ما عدا مطبخ كبير اوي
وشكله حلو ومزخرف فعجب ماما وقالتلي ايه رايك نجبهولك لشقه بتاعتك
فانا قلتلها بس انا لسه بدري عليا وانا معرفش هل الحجم بتاعه مناسب عشان هو كان كبير اوي
فبابا سال علي السعر
فالراجل قاله بص عشان انت كويس
هو المفروض 120 بس انا هدهولك
100 حبه
ومعرفش ايه حبه ده بس هو قالها كده بس انا فهمتها قصده علي الحبوب يعني حبايه
فبابا قال ياه ده رخيص ناخده فماما قالت لا ده شكله كبير اوي بلاش نجيبه وبعدين نندم
خليها في وقتها
وبس
وانا انسه
وتقدم لخطبتي شخص من 3 اسابيع ورفضته فرجع تاني واتقدملي بس برده رفضته والكلام ده كان الاسبوع اللي فات
منتظره تفسيره
اسماء من معي بالحلم
بابا عبد الجليل وماما نوال رشاد وانا داليا
وجزاكم الله خيرا
غاليتي هل الخاطب الذي اتي اليك مقتدر جداا مادياا
واهلك يردونه لك لهذا السبب ؟ او اهلك يحاولون ان يقنعوك بهذا الخاطب ؟
وانت ترفضين
|
هو فعلا الشخص ده مرتاح ماديا والدخل بتاعه كويس اوي
بس اهلي مكنوش مقتنعين بيه خالص عشان بابا بعد ما قبله بدا يحس انه جرئ اوي وانه عايز يخدني معاه للبلد بتاعته عشان بلده غير بلدي فبابا رفضه لان مفيش حد من اهله جمبنا هنا فمش عرفين نسال عليه
انا هقول لحضرتك علي حاجه
من شهر تقريبا اتقدملي اتنين واحد اسمه احمد والتاني محمد
بالنسبه لاحمد هما ماديا مرتحين جدا بالعكس دول مبسوطين اوي وبابا غني
والولد كان معجب بيا وباباه كذالك بس المشكله في مامته مكنتش عايزه الموضوع يتم
وفعلا مفيش حاجه تمت
بالنسبه لمحمد ده برده مرتاح ماديا بس مش زي الاولاني وكان عايزني جدا ومتمسك بيا بس كان عايز يتجوز في البلد بتاعته فاحنا رفضنا وبعدها ب3 اسابيع رجع اتقدملي تاني بس بابا محسش بارتياح نفسي ليه فرفضه وانا كذالك صليت استخاره ومحستش بارتياح نفسي نحيته
وبس وعلي فكره الاتنين دول اتقدمولي في نفس اليوم
منتظره من حضرتك الرد
وكل سنه وانتي طيبه