انا بحب نفسى
ايوه بحبنى وانتى كمان لازم تحبى نفسك ;
مش مهم انتى مين بنت مين شكلك
ايه افكارك عامله ازاى او تعليمك
واصل لحد فين المهم ان انتى (انتى)
ربنا خلقك كدا واختارك كدا ومش
وحش ابدا انك تطورى فى نفسك او
تغيرى عيوب فى شخصيتك وتحسنى
من تعاملتك مع الاخرين وديما تتعلمى
وتجددى من نفسك بس اهم شىء بعد
كل دا انك تكونى انتى نفسك
ومتحوليش ابدا تكونى حد تانى او
تقارنى نفسك باى حد لانك اكيد كل
انسان غير التانى وكل واحد فيه
عيوب وفيه مميزات مش معنى حاجة
عند غيرك مش موجوده عندك يبقى
هو احسن منك اكيد انتى كمان عندك
حاجة مش موجوده عنده حاجة
بتميزك ومش عند حد غيرك بس
ممكن يكون الى ناقصك انك تكتشفى
الحاجه دى وتبرزيها وتهتمى بيها
بس الاول لازم انتى تحبى نفسك
الاول زى ماهيا وتساعديها تكون
احسن علشان تقدرى تحبى الى
حواليكى وتساعديهم لان فاقد الشىء
لايعطيه … وعلى رأى الشاعر الكبير
متحاولش تبقى حد تانى
غير نفسك دور فى نفسك
هتلاقى نفسك.