انا هتكلم النهارده عن اللى بتحتاجه العروسه
فى بيتها وعلى مااعتقد ان ماحدش
كتب عن الموضوع ده قبل كده
طبعا كل عروسه بتحتاج غيارات داخليه كتير
انا هقولكم عن تجربتى الشخصيه
انا بجهز من وانا طفله
كنت كل فتره لما اشوف حاجه تعجبنى
اشتريها واعينها
يعنى لو بشترى بانتى لازم اجيب واحد
اعينه للجهاز لو اشتريت برا
اجيب واحد اعينه للجهاز
وبرضه بالنسبه لهدوم البيت العاديه
البيجامات والعبايات نفس الحكايه
وكنت اسيب الغالى والفخم للاخر
لقبل الفرح عشان لو فى موضه
جديده
وده برضه عملته مع حاجات المطبخ
اشتريت حاجات كتير
لكن الحاجات الشيك اللى بنزين
بيها النيش سيبتها للاخر
عشان الموضات الجديده
اما الملايات والفوط
دول اشتريت منهم كتير لان دول زمان
كانت خاماتهم حلوه
واشتريت قبل الفرح يمكن حاجه ولا اتنين
وبالطريقه دى فضلى بقى قمصا النوم
دى جبتها فى الاخر وماكترتش
عشان المقاسات بعد كده بيتغير
خصوصا مع الحمل
وبقيت ادور على اللقطه فى كل حاجه
والحاجات الفخمه
وهدوم الخروج ومفارش السرير
وطبعا الحاجات اللى بنتفق مع العريس عليها
وبكده تبقى مرتاحه قبل جوازك
بالنسبه للفلوس من ناحيه
واللف والمشواير واحسن ماتنسى حاجه
من ناحيه تانيه وتبقى بقى فاضيه
لما العريس يجى مش كل شويه نازله تشترى
حاجه وتخليكى بقى فاضيه للحاجات
المهمه
وربنا يرزق كل بنت بالزوج الصالح
