السلام عليكم حبيت انقل لكم هذا الموضوع عن المرقاز (النقانق) اللي مرة حلو وراح تحبوه مع العلم انه مطبوخ في البيت لانه اصلا بيشروه من المحلات
المقادير
كمية معتبرة من الثوم
كمون
هريسة
فلفلة حمراء
مثل ماراه موضح في الصورة
إضغط هنا لرؤية الصورة بحجمها الطبيعي.
نحتاج كمية من اللحم المفروم الناعم مرحي في الروبو
ومعدنوس و نفرموه ناعم
مصارن رقيقة الخاصة بالمرقاز
إضغط هنا لرؤية الصورة بحجمها الطبيعي.
نخلط اللحم المفروم مع التوابل و الثوم و المعدنوس المفروم و الثوم المفروم مثل ماراه موضح في الصورة
إضغط هنا لرؤية الصورة بحجمها الطبيعي.
بعد ما نكونو نضفنا المصارن ندخلو راس المصران في لمبوط يكون راسو صغير نقدرو ندخلوه في المصران و نضع خليط اللحم داخله و ندخل ببطئ مثل ما راني موضحة في الصور
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
بعد ما يطوال المصران نبدا ندور و نصنع نقانق صغار حسب الحجم اللي تحبوه و هادا هو شكلها
إضغط هنا لرؤية الصورة بحجمها الطبيعي.
و ما نقطعوهش حذاري ونثقبوه بإبرة باش يدخلو طياب و ما ينفجرش علينا 
نديروه على طاجين مع شووووية زيت فقط لانو راح يخرج دهون
و كي يدخلو الطياب نقسموه و هو في الطاجين و نخلوه يكمل طيابو
إضغط هنا لرؤية الصورة بحجمها الطبيعي.
و كل واحدة و كيفاش تحب اتقدموا
تحبي تحضريلو صلصة طماطم او تقدميه هاكدا او تقدميه بطريقة اخرى
و هاهو واجد
إضغط هنا لرؤية الصورة بحجمها الطبيعي.
صدقوني ذوقه رائع و يكفي انك تخدميه في المنزل و تربحي صحتك و تفرحي عائلتك لانو راه يجي مشري و كأنه اسفنج و ما نعرفوش حتى بواش يحشوه ربي يسترنا و يحفظ كل المسلمين
ان شاء الله انكون اتوفقت في الشرح
و السلام عليكم و رحمة الله تعالى و بركاته
كلمة شكر ودعوة خير تكفيني
|
شكرا على مرورك حبيبتي 
وانا تاني نمووووووووووووووت غلى المرقاز ونتمنى يكون وجبتي اليومية وصح رمضانكم
|
أنا تاني نموت عليه هههه