[/IMG]
مساء الخيرعلي احلي صحبة في الدنيا
من الاكلات المشهورة بيها بلدنا طبعا الملوخية ،
ايه رأيكو النهاردة نعملها بأسهل واحلي طريقة
المقادير:-
ملوخية
ثوم
كسبرة ناشفة
مرقة
طبعا مفيش اسهل من كده
الطريقة:-
1/نقطف الملوخية بس نسيب الوردة الي فوق علي بعضها.
2/نغسلها كويس لحد مانضمن انها بقت مفيهاش اي رمل او طين،ننشفها بالطريقة الي تريحك,ممكن تحطيها في كيس مخدة مش محتاجاها وفي عصارة الغسالة الهاف اوتوماتك ،او تعصريها وتفرديها علي قماشة قطن تتشرب المياة بس هتاخد شوية وقت ،وفي ناس بتنشفها بالسيشوار
بس انا ماشية علي الطريقة التقليدية.
ودي صورتها قبل مااخرطها:-[IMG]
[/IMG]
3/طبعا هنخرطها بالمخرطة كويس لحد مانحس انها بقت كتلة واحدة متقطعش مننا,في ناس بتضربها فيي الخلاط بس الصراحة بيكون طعمها مش اد كده وبيغير.
4/نسخن الشوربة كويس ولحد ماتسخن نكون دقينا التوم مع رشة ملح خفيفة مع معلقة كسبرة صغيرة .
5/نحط الملوخية علي الشوربة ونهدي النار ونقلب كويس وبسرعة عشان ميكونش فيها اي كتل لحد ماتبدأ تغلي كده من الجناب،وعلي نار تانية نشوح الثوم المفروم مع الكسبرة في معلقةزيت او سمن ولما يبقي لونه ذهبي كده ننزل بيه علي الملوخية ونطفي ونقلب كويس ،وممكن تفتحي النار تاني عليها وتهدي النار.
ودي صورتها بعد ماغرفتها:-
[IMG]
[/IMG]
وبألف هنا هتعجبكو اووووي
ها ايه رأيكو مش سهلة وبسيطة خالص
بس غلبتها في التنشيف والتخريط صح ؟
بس انا عن نفسي بمووووووت فيها وعشانها تعبي يهووون
[IMG]
[/IMG]
|
|
تسلمولي ياحبيباتي
والاروع تشجعيكو ليا[IMG]
[/IMG]
|
تسلمي ياحبي نورتيني