[/IMG]……
…..
ايه رأيكو بأكله بسيطة وسريعة
وعلي فكرة هي جت معايا بالصدفة
اصلا كنت عاوزة اعملها فطيرة بس الجلاش كل ورقتين حالفين مايتفرقوا عن بعض
شكلهم واخدين بعض علي حب
قولت مابدهاش يابت شغلي الفوكيرة يلا
روحت قولت هلفها رولز وزي السمبوسبة ،واهو بالمرة تغيير 
.
وقفلت كل واحدة بنقطة ميه دهنتها مهو عجين هيمسك بمجرد ماالمية تيجي عليه.
المقادير مفيش اسهل منها :-
**لفة جلاش
**حوالي نص كيلو الا حاجات بسيطة نقانق(سوسيس)
**ميه للزق الجلاش
ها مش قولتلكو مافي اسهل من كده
الطريقة :-
قبل اي حاجة عشان ورق الجلاش مينشفش منا تشوحي النقانق (السوسيس)عشان تضمني سواه
ممكن تقطعي السوسيس حلقات قبل التشويح اسهل من بعدمايستوي عشان الي هيكون زي السمبوسة،
والباقي اقسميه نصين بالطول عشان الرولز.
ندخل علي عجينة الجلاش بتاعتنا:-
بناخد كل ورقتين لازقين في بعض ونطبقها بالعرض مرة ومن بعدها مرة كمان،
بحيث تعمل معانا 4 ورقات زي عجينة السمبوسة كده
معلش كنت محتاسة عشان كنت خايفة العجينة تنشف مني ومعرفش الفها معرفتش اصور الخطوة دي
بس انا عارافكو ماشاء الله هتفهمو قصدي
هنلفهم منهم الي علي شكل السمبوسة مثلثات يعني ومنهم الرولز ،
ونقفل العجينة زي ماتفقنا بقطتين الميه الي هندهن اخرها بيها
ونكون داهنين الصينية برشة زيت وبرضه وش اللفائف ندهنا بالزيت
ودي صورةالكمية الي عملتها معايا لفه الجلاش الواحدة قبل ماادخلها الفرن
[IMG]
[/IMG]
ودول كل واحدة علي حدة
[IMG]
[/IMG]
تدخل الفرن في الرف الاوسط درجة حرارة عالية ،
ولما تحمر من تحت نطفي الفرن ونشغل الشواية بس دقيقة عشان الوش يحمر كمان
عاوزة اقولكو بتكون طبعا خفيفة مش زي الي بتتقلي في الزيت
ودي صورة ليها لما طلعت من الفرن شوفو لونها جميل ازاي
[IMG]
[/IMG]
طبعا بنعمل جنبها مكرونة بالصلصة وبطاطس محمرة وممكن كاتشب وسلطة خضرا
وكل ده بتعمليه علي ماالحاجة الي بالفرن تخلص تكون سلقتي المكرونة وحمرتي بطاطس و بألف هنا مقدما علي قلوبكو.
يارب اكون عرفت اوصلكو الفكرة ،مش عارفة ليه حاسه اني مبقتش عارفة اوصل الافكار 
لو عجبكو الموضوع متبخلوش عليا بتقيمكم وتشجيعكم
[IMG]
[/IMG]
