المقادير
نصف كيلوا كنافه
كوب سمن سايح
نصف كوب سكر عادى او بودره
2كوب عصير مانجو خفيف
3معالق كبيره نشا مزوبه فى ربع كوب ماء
شرائح مانجو بالكميه اللى تفضليها
باكو كريم شانتى للتزيين
للشربات
2كوب سكر
كوب ونصف ماء
ليمونه
فانليا
الطريقه
نفرك الكنافه كويس ونخلطها مع السكر والسمن
ونجهز صنيتين بنفس الحجم وندهنهم السمن السايل كويس ونفرد الكنافه فى الصنيتين بسمك واحد وتكون رقيقه
ونضغطها كويس اووى وندخلها الفرن
على 200 لمده 20 دقيقه
وفى الوقت ده نجهز الشربات بتاعنا
نحط السكر والمياه ونرفعهم على نار هاديه
مع التقليب لغايه السكر مايدوب خالص نعلى النار ونعصر الليمونه ونسيب الشربات يغلى حوالى عشر دقايق او 15 بالكتير
ونطفى النار عليه
تجهيز مهلبيه المانجو
ندوب النشا فى ربع كوب الماء
ونحط عصير المانجو على النار لما يغلى
نضيف النشاء المذاب فى الماء عليه ونهدى النار لما المهلبيه يبقى سمكها كويس معانا
لما تخرج الكنافه من الفرن نقلبها ونسقيها بالشربات بتاعنا وناخد واحده من الصنيتين نعملها قاعده الكنافه بتاعتنا ونحط عليها مهلبيه المانجو وشويه من شرائح المانجو
ونحط عليها الكنافه اللى فى الصينيه التانيه
ونزينها بشرايح المانجو والكريم شانتى وبالهنا والشفا
…..
…..
…
…
…..
….
….
…
….
….
الله
تسلم ايدك يا فنانه
حلوووه جدا وتشهى
مبرووك تكريم موضوعك يا احلى شيف
وتستاهلى اكيد احلى تقييم لو بعتى لى حته كبيييييييره طبعا
هههههههههههههههه
|
الله يبارك فيكى حبيبتى
كلك زوق والله ياقلبى متحرمش منك ابدا
انا اجيبلك الصينيه كلها حبيبتى
وياريت لو كانت بجد اتفضلى ياقمر
نورتينى ياقمر
كلك زوق والله ياقلبى متحرمش منك ابدا
انا اجيبلك الصينيه كلها حبيبتى
وياريت لو كانت بجد اتفضلى ياقمر
نورتينى ياقمر
امممممممم
تم التقييم ***** نجوم
ايه الجمال ده
تسلم ايدك يا قمر
شكلها بيشهي
تم التقييم ***** نجوم
رووووعة يا قمر يسلمووووووو
روووووعه
تسلم إيديكــــــــــــى
وأحلى تقييم لعيونكـــــــــــ
تسلم إيديكــــــــــــى
وأحلى تقييم لعيونكـــــــــــ