طبعا مفروض يبقى قبل الفرح بشهر او بمعنى اصح مفروض يبقى سيستم حياتنا
بس حنقول قبل الفرح بشهر
نبتدى نشرب ماء كتير جدا عشان ترطيب البشرة وتطلع كل السموم اللى فى الجسم
ناكل فاكهة كتير لانها اولا مفيدة للجسم كمان مش بتخن يعنى احسن من الحلويات والبيبيسى وكلام ده وبتخلى البشرة نضرة وصحية
ناكل سلطة كتير
مفروض نبعد عن الشاى والقهوة
اولا مش مفيدين وكترهم بيخلى وشك مجهد وبيخليكى مش بتاكلى كويس قللى منهم اوى ويخلكوى بتسهرى ومش تنامى كويس وتبقى مرهقة
لو عندك انيميا عالجيها حالا عشان متزدش وميبقاش فى فقر دم وهالات وارهاق
بلاش اكل الشيكولاتة كتير لانها بتطلع حبوب فى البشرة وخاصة لو وقت البريبود والتوتر اصلا بيعمل حبوب
بلاش بردو الاكل المطاعم وقاست فود لانه مليان كالورى كتير يعنى مايونيز وكاتشب كل ده بيزود الوزن وبيعل دهون
طبعا كل الكلام ده زى ما قولنا سيستم حياة يعنى مفروض نعمله عالطول من دلوقتى
طبعا اكل الثوم والبصل لما ناكلهم نغسل اسنانا بعدها وناخد كلورتس بالنعناع عشان تغير ريحة الفم
يعنى منقعدش ادام ازواجنا وريحتنا كدا
طبعا متتشر كتير شرب خل التفاح او الليمون على الريق
ده حاجة غلط ومش كلامى كلام دكتورة تغذية وسمعتها من دكتور كبد قال ان خل التفاح او الليمون على الريق غلط لانه بياثر على الكبد والكلى لانها احماض قوية ولما تتشرب على الريق ناذى الكبد والمعدة
كمان بالنسبة الانيميا او فقر دم زى ما قالت ملوكة فنجان عسل اسود عليه عصير ليمونة ويتشرب على الريق بيزود الحديد فى الجسم
شرب الكمون على ماء دافية مفيد للانتفاخ والغازات
شرب الشاى الاخضر غير انه بيحرق السعرات الحرارية كمان مفيد للقلب وبيحمى من السرطان
كتر بطاطس المقلية بيعمل دهون كتير خلى بالنا منها عشان زيادة الوزن
شرب قرفة قبل البريود لو تاخرت انها تنزل وحاسة بتعب منها القرفة حلوة للبريود تخليها تنزل
وقت البريود بلاش تاخدى اسبرين لانه اصلا بيعمل سيولة فى الدم حيزود البريود
لما تاخدى اى علاج بلاش شرب شاى ولا قهوة بعده عشان انهم منبهات بيضيعوا مفعول او بيقللوا مفعول العلاج خاصة المسكنات
التين والكنتالوب وشرب اللبن بارد على الريق حلو اوى لو عندك امساك وطبعا الجوافة بتعمل امساك يعنى بلاش منها لو عندك امساك لانها حتزود
التفاح حلو جدا لكل حاجة اولا فاكهة مش بتزود الوزن وكمان مفيدة للدم وتقلل الانيميا بس فيه ناس تقشر القشر بتاع التفاح وتاكل تفاح من غير قشرها مع ان الفايدة كلها موجودة فى القشر
طبعا العرايس او اللى اتجوزوا حيمروا بمرحلة الولادة موضوع كالسيوم مهم لانه بجد بيفرق فى صحتنا وبعدها صحة اولادنا لازم يوميا يبقى فى يومنا كالسيوم
كانت دكتورة تغذية كانت بتكلم وقالت ان كالسيوم ناخدة يوميا فى شكل بيض ولبن وزبادى وجبنة قريش قالت انك يوميا لازم تاخدى على الاقل حاجتين من دول يعنى بيض ولبن اساسى ومعه زبادى ومرة تكون جبنة قريش طبعا دول اصلا مش حيزود الوزن ثانيا تبنى جسمك بالكالسيوم وبعدها وقت الحمل حتستفيدى من كالسيوم ده انتى والبيبى
الكاتشب ومايونيز نبعد عنهم لانهم فعلا بيزودوا الوزن جدا من غير ا تحسى
بوركتى