قلت ألحقكم بسرعة عالفطار بالرقاق الفلاحى أو عيش البتاو
سهل ولذيذ جدا وبيبقي حلو وهو لسه سخن كده
مقاديرنا
2 كوب دقيق
ذرة ملح
ملعقة صغيرة سكر
ملعقة صغيرة سمن بلدى
لبن رايب للعجن
حطى كله على بعضه في العجانة
وضيفي اللبن الرايب لحد ماتلم معاكى العجينة
شايفين لمت العجينة ازاى معايا؟
حطيها في طبق بلاستيكي ترتاح لمدة نصف ساعة وغطيها بفوطة نظيفة
كوريها لكور صغير لو انتى عايزة الرقاق صغير لو عايزاه كبير اعملى الكور كبيرة
افرديها لما تبقي أسمك من ورق السيجار على سطح مرشوش بالدقيق
وحطى بين كل واحدة والتانية دقيق افرديه عليها عشان مايلزقوش في بعض طبعا
سخنى طاسة تيفال كبيرة وخلى جمبك قماشة مبلولة حاقولك حتعملى بيها ايه دلوقتى؟
حطى واحدة من اللي فردتيهم عليها وأول ماتلاقيها اتحركت ارفعيها لو لقيتيها احمرت بسيط اقلبيها خلى بالك مش بتاخد وقت خاااالص
الحتة المبلولة عشان بعد كل رقاقتين بتحطيهم في الطاسة تمسح بيها عشان بتكون سخنة قوى واحنا مش عايزين الرقاق يتلسع مننا
وده شكله بعد ملخصته
شوفوا جماله وحلاوته
حطيه في كيس عشان يفضل طرى
وقدميه مع أحلى فطار
تحياتى لكم مايا علي
انا بحب الرقاق دة جداااااااااا جداااااااااا
وبفضل اكل بيه فسيخ هههههههههه
او عجة وبطاطس وباذنجان مسقعة وجرجير هههههههههههههههه يبقى تحفة وكمان يتاكل حاف
تم التكريم
والتقييم
تسلم ايدك
فتحتي نفسي انا بحبه اوووووي انا كمان
احلي تقييم لعيونك
|
تسلميلي ياقمر
نورتيني
روووووعه ياقلبى تسلم ايدك بجد حلو اووووى
