[IMG]
[/IMG]
[/IMG]
السلام عليكم يارب تكونوا بخير وسعاده
جايبه لكم صور لغدانا النهارده ياريت
يبقى مش صور وبس واعزمكم كلللللللكم
عندنا تنورا والله
والغدا عباره عن طاجن خضار باللحمه فى الفرن ومعاه برام الرز التمام
المكونات
بسله وبصل و بطاطس وجزر وكوسه ولحمه وطماطم معصوره وطرنشات
والتوابل بقا فلفل اسود وملح وجوزة الطيب وقرفه وجنزبيل
طريقته سهله تقطعى بصل وتتبليه بالتوابل اللى زكرتها فوق وتحطى اللحمه وتقلبى كويس وتعصرى طمطاميتين وتحطيهم فوق اللحمه والبصل بعدين تحطى الخضار المشكل بس انا نسيت فوق اقول البسله ههههه ومعلقتين زيت دره وتقطعى طماطم طرنشات وتحطيها فوق الوش وتحطى نفس التوابل من فوق بس على خفيف وبعدين لو عاوزة يستوى بسرعه تحطى صاجه على عين البوتجاز وتغطيه بالفويل ولما يغلى لمده تحسى انه استوى تقومى وخداه عالفرن عشان ياخد وش او فى الفرن بقا بياخد وقت طويييييل وبالهنا والشفا يا قلبى
وبرام الرز طاجن فخار وتحطى فيه رز مغسول والرز يكون بارتفاع نص الطاجن بعدين تحطى عليه لبن ويبقى اللبن فوق الرز بمقدار عقله او عقله ونص فوق الرز اللى فى البرام وملحيه طبعا بعدين تدخليه الفرن على نار عاليه من فوق وتحت ولما تحسى انه بيغلى ووشه بدأ يحمر تقفلى الشوايه وتهدى القعر شويه لغايه ما الرز يتشرب كل اللبن وبعد كده تحطى السمنه البلدى او الذبده مقدار اربع معالق وتدخلى الرز تانى عالهادى لمده عشر دقايق عشان يتشرب السمنه وتطلعيه وبالهنا والشفا
اسيبكم مع الصور
وأظن تسلسلها بيوضح ازاى اتعمل
وأى استفسار انا تحت امركم
برام الرز
تسلم ايدك
الف مبروك التكريم
الف مبروك زيادة النقط
حبيبتى يا هبه منحرمش منك يا جميله
شكرا لكي حبيبتي
يسلمووو
يسلمووو
تسلم ايدك حببتى
وبجد ما شاء الله عليكى طباخة ماهرة
والف مبرووك التكريم
والتقييم
وبجد ما شاء الله عليكى طباخة ماهرة
والف مبرووك التكريم
والتقييم
