المقادير
ك الا ربع دقيق
معلقه ملح كبيره
ماء دافى للعجن
كوب سمن سايح
معلقه قشطه
الحشو
بسطرمة
طماطم مقطعه
جبنه رومى مبشورة
فلفل اخضر
او زى ما تحبى ممكن شاورما فراخ وممكن زبيب وجوز هند وسكر
الطريقه
حطيت الدقيق والملح وضيفت الميه الدافيه واحده واحده وعجنت فتره معقوله لحد ما العجينه بقت متماسكه معايا
نسيبها ترتاح فتره على جنب تكونى جهزتى الحشو بتاعك تقريبا نص ساعه
على رخامه او ترابيزه واسعه اشتغلى
قسمى العجينه كور المقدار ده عمل 8 كور على فطيرتين كل فطيره 4 طبقات
نيجى بقى للمهم الفرد اهم حاجه الفرد تفردى كل كورة لحد ما تبقى زى ورقه السيجاره وانتى بقى وشطارتك
كل كوره فردتيها تلميها زى المنديل وتدهى سمنه وانتى بتطبقيها وكل مره تحطى واحده فى قلب التانيه لحد ما تخلصى
حطى الحشو فى الطبقه الاولى خالص زى ما تحبى
على جنب سيبيها فى الصنيه ترتاح وافرديها وحطى معلقه قشطه ع الوش عشان تحمر
الطريقه متصورة هنا بالخطوات ومفيش اضافه الا الحشو
الفطير المشلتت من مطبخى بالصور خطوه بخطوه
وده شكلها بعد ما حطيتها ف الصنيه
ودى بعد ما طلعت
صورتها متقطعه
يا رب تجربوها وتعجبكم
شكلها يجوع يا رونى جميله اوى
طيب اناا عمل ايه دلوقتى
وانا واحده حامل وبتوحم
يرضيكى
ابص ومااكلش ودوق
بس بجد يسلمو ايدك
نورتى
تسلم ايدك
بجد شكلها جميل ومتأكده ان طعمها اكيد اجمل
هبقى اجربها ان شاء الله
عايزين من ده كتير بقى كانت فين المواهب ده مستخبية
تسلم ايديك يا روني