النطـــــــافة الشخصيـــة داخل و خارج البيت
انا مش هأتكلم عن طرق العناية بالجسم أو المنتجات او خلافه لان ده خاص بقسم العناية بالبشرة
الكلام هيكون مخصص لبعض النقاط اللي بنغفلها و ممكن تضايق الطرف الآخر اثناء التعامل معاه
الفم
موضوع محرج بس هام جدآآ و ان الكل عارف أهمية رائحة الفم بس ساعات بنغفل أو مش عارفين ان رائحة فمنا مش حلوة و خصوصا أول ما نصحي من النوم
و أول حاجة منظفة للفم السواك و هو سنة مؤكدة
و أوصى به النبي صلى الله عليه وسلم في أحاديث كثيرة ،
منها قوله صلى الله عليه وسلم ,, السواك مطهرة للفم مرضاة للرب,,
فهو يبيض الأسنان ويزيل الروائح الغير مستحبة .
استخدام الفرشاة والمعجون وخصوصا قبل النوم لأن بقاء الأطعمة في الفم هو المسبب الأول لتعفنها بفعل البكتيريا ومع الجفاف تصبح البيئة مثالية للرائحة الكريهة و أساسي أول ما نصحي من النوم
استعمال غسول الفم
طبعا فيه حاجات كتير تانية بس انا هأخلص النقاط المقتصرة علي الأتيكيت أو طريقة تعاملنا مع الأخرين .
أقولكم علي حاجة غريبة شوية لاحظتها هنا في الأمارات
كل ما أدخل أي تواليت أو لو بأكل في مطعم و دخلت التواليت ديما بأشوف الفلبينين بيغسلوا سنانهم بالفرشاة و المعجون
سلوك غريب شوية و مش مألوف للمصريين و حتي عمري ما شوفت حد بيعمل كده في مصر و لا في مول و لا فندق و لا في الشغل !!!!!!مستفاجأة
طيب تعملي ايه مثلا لو رائحة فم صاحبتكِ غير مستحبة
قمة الأجراح لو فكرتي تصارحيها مش موافقة
لكن فيه طرق تانية – و كل الطرق تؤدي الي روما –
و هي مثلا تعرضي عليها لبان ,, اسكويتش منت ,, تشتري ليها معطر الفم و تقولي اصل كان فيه عرض اشتري واحدة و خد التانية مجانا
نطافة اليدين = عنوان البنت المميزة
يااااااااااااه قد ايه الموضوع ده بجد مهم مهم مهم
أنا عملت موضوع كامل و شامل في قسم البشرة عن العناية باليدين
ان شاء الله يكون مفيد
بس حابة أضيف
بعض النقاط المهمة
لازم و لابد من غسل اليدين بعد قضاء الحاجة
لأن ساعات الواحد بينسي و أول ما يخرج من الحمام جري علي المراية عشان نعدل الطرح و مش مهم الأيد عادي يعني
معقم اليدين ابتسامة
لازم يكون في شنطتك معقم اليدين و لازم تستخدميه بعد ما تمسكي عربية الشوبنج أو الأسانسير أو دخول التواليت أو لا قدر الله في مستشفي ……
قص الأظفار
مع أني عارفة انه فيه بنات كتير بتحب تربي الضوافر و أنا بصراحة كنت كده بس حقيقي الموضوع ده مقرف و مهما حافظتي علي نظافتهم بردو هتفضل بيئة مثالية للجراثيم و البكتريا
و كمان قص الأظفار سنة عن الرسول – صلي الله عليه و سلم –
و ده منقول من موقع اسلام ويب
قص الأظفار سنة من سنن الفطرة وقد وردت الأحاديث في ذلك منها: ما رواه مسلم والإمام أحمد والنسائي والترمذي عن عائشة رضي الله عنها قالت : قال رسول الله صلى الله عليه وسلم : "عشر من الفطرة قص الشارب، وإعفاء اللحية، والسواك، واستنشاق الماء، وقص الأظفار، وغسل البراجم، ونتف الإبط، وحلق العانة، وانتقاص الماء يعني الاستنجاء" ونسي الراوي العاشر، فقال بعضهم: المضمضة، وقال بعضهم: الختان.
المنطقة الحساسة
● استخدمي ديما الفوطة اليومية جميلة جــــــــدآآ و لازم تستخدميها حتي لو نزل اي افراز فيها بترميها و تفضل ريحة البانتي كويسة
● معطر المناطق الحساسة ريحته حلوة و safe جدآآ بس المهم انكِ ترشيه بعيد عن المنطقة و بعيد عن الجلد أو ريحي دماغكِ و رشيه علي البانتي
حتي لو انتي خارج البيت و دخلت التواليت رشي منه بيدي احساس بالنطافة و الأنتعاش
تغيير الأولويزا في الأماكن العامة بجد أقرف حاجة ممكن الواحد يشوفها و لو اضطريت تغيرها لازم و لازم و لازم تحطيها في كيس و تقفليه كويس جدآآ
التواليت العامة أستخدام الــ combination قبل الأستخدام مهم جدآآ و صحي جدآآ و استخدام الــ
