ارجوكم ساعدوني عشان اقدم لبنتي في المدرسه 2024

السلام عليكم ورحمه الله وبركاته
انا اول مره اكتب هنا في المنتديي
وحزعل اوووووووي لو ما رديتوش عليا يا عدولات
اولا انا بنتي عندها 5 سنين
وعايزه اقدملها في مدرسه تجريبي عربي مش انجليزي بس بتتواجهني مشاكل
ياريت الاقي حل عندكو
1- انا من عبود اللي هيا في شبرا ومش عارفه مدارس اوي
اقدر اسال فين
2- انا معايا مؤهل فوق متوسط خدمه اجتماعيه وجوزي دبلوم
هل ينفع
3- لو ما لقيتش تجريبي عربي ادخلها تجريبي انجليزي مع العلم اني مش شاطره في الانجليزي اوي
طب ولو ما فيش حل اعمل ايه ادخلها حكومه بقي ولا ازهر
ارجوووووووووووكم ردوا عليا يا جماعه
حاجه كمان هما لو مش بيطلبو الشهاده الجامعيه بتاعه الاب والام في عندي حل لو ينفع
انا بطاقه جوزي والباسبور مكتوب فيهم انه مهندس شبكات ودي وظيفه لا يحصل عليها الا اللي معاه بكليريوس حاسب الي ممكن اروح بالبطاقه مثلا
استودعكم الله

ايه يا جماعه مش بتردو عليا ليه

بصراحة ماعنديش رد اسئلتك صعبة وانا مش من القاهرة
ان شاء الله تلاقي حد يفيدك

ربنا يسرك الصعب حبيبتى واعملى استخاره فى كل الاحوال وربنا يوفقك لما يحب ويرضى

أولا التجريبى دى يعنى مدرسه حكومه لغات وطبعا انتى عارفه الجزء التانى عربى اللى هى المدارس الحكوميه اللى احنا عارفنها

ثانيا المدارس الخاصه فيها بردو لغات وعربى ,,,,,,,,,, وانا من رأئى ممكن تدخليها مدرسه خاصه عربى ودى هتبقى اسهل ليكى وهتبقى افضل من المدارس الحكوميه بس لو انتى عايزه تدخليها لغات يبقى ممكن الحكومى او مدرسه خاصه بس المهم تتبعيها علطووول فى المذاكره وكمان اللغات الخاص بتبقى اغلى شويه من التجريبى اللى هى لغات حكومه وأستخيرى ربنا بالتوفيق ان شاء الله

حبيبتى ياريتنى اعرف افيدك كنت رديت علطول
بس ما دامك مش قويه فالانجليزى
بلاش اللغات عشان مش هتعرفى تذاكريلها