البيتزا الشرقى من مطبخ ام حور وصلت وبالصور 2024

ازيكو يا قمرات الوصفه انهارده للبيتزا الشرقى اللى كلنا بنمووووووت فيها
اعجنى الكميه اللى تحبيها من الدقيق (نص كيلو /كيلو / كوبين ) زى ما تحبى بشويه ميه وضيفى على الدقيق قبل العجن ذره ملح وذره كربوناتو ( او ممكن بيكنج باودر بدل الكربوناتو)
ماشى بس انا هنا عجنت كوبين بس يعنى ما كنتش عايزه كميه وقطعى العجين كورتين كوره كبيره وكوره صغيره وسيبيهم يرتاحو نص ساعه
نحضر بقى الحشوه اللى على مزاجنا دعبسى فى التلاجه وطلعى منها اللى يليق مع بعض انا هنا لقيت ايه طماطم وبيض وفلفل وزيتون ونص علبه بولوبيف وشويه بقدونس
وبعدين انا سيحت شويه سمن
نيجى بقى للعجين اهو ارتاح وبقى ميه ميه
نجيب الكوره الصغيره ونفردها بالنشابه وشويه دقيق كده ونسيبها على جنب
وبعدين نجيب الكبيره ونفردها كويس قوى وبعد ما تفرديها نفضى الدقيق اللى فردتى بيه وادهنيها سمنه كويس من المنتصف
وبعدين هاتى الحلوه الصغيره وحطيها عليها كده وادهنى برضه سمن
حلو الكلام
بعد كده يا اختشى هتحطى نص الحشوه ما عدا البيض والبقدونس وتطبقى العجين مربع ومع كل تطبيقه ادهنى سمنه حلو كده وبعدين حطيها فى قالب الفرن كده وافرديها
ايه الرغى: ده مش فاهمانى طب شوفى الصور وانت تعرفى
[IMG]

[/IMG]
[IMG]

[/IMG]
ماشى كده نجيب باقى الحشو طبعا ما عدا البيض والبقدونس وحطيها على الوش كده
نجيب بقى البقدونس ونكسر عليه البيضتين وشويه ملح وفلفل اسود ونقلب
وبعدين نصب البيض على وش البيتزا كده ونحطها فى الفرن لمده 20 دقيقه وبعدين نحمر الوش بالشوايه
واسيبكو مع الصور يا بنات
[IMG]