انا حبيت افيدكم تجربه فى التوفير
والستات اللى مرتبات ازواجهم 600
فى الشهر وازاى تمشى البيت بالمبلغ ده
ده بناءا على طلب اخت معانا
قالت : اللى مرتباتهم 400 و 600
يعملو ايه
تعالى اقولك
اولا:
هنقول 75 قسط
وكمان 100 للكهربا
والمياه دى كمان بزياده لانها قليل لو عدوا 50 جنيه مثلا
بس تخليه احتياطى واللى يفيض اخر الشهر تشيلى يبقى كدا 175 للشقه لو ايجار
ثانيا:
(المنظفات)
الكلور نجيب الكيلو الخام ب 3 جنيه بخففه ويقعد معاكى الشهر
ونجيب فينيك برضو كيلو خام ب 6 جنيه وبخففه وبيقعد معايا اكتر من شهر
والصابون بجيب اللى عليه عرض يعنى مش لازم نوع معين يبقى كدا 10 للمنظفات
ثالثا:
اللحوم)
تجيبت كيلو لحمه 60 بعملها على
3 مرات وكيلو مفروم مستورد ب35 تعملى بيها اربع اصناف
و2 فرخه ب 40 بعملها على 3 مرات والكبد تعمى مرة تانيه و2 كيلو سمك ب 20
على مرتين
يبقى كدا مجموعهم 155 جنيه
رابعا:
العطارة)
نجيب 2 جنيه كمون وزيهم فلفل اسود وزيهم كزبره وزيهم شطه
وكيلو مكرونه رفيعه ونص اسبجتى ونص قلم ب7جنيه طبعا الرز بنجيبو على التموين هو والزيت والسكر
ونص عدس اصفر ونص بجبه ونص حمص ب10جنيه وازازة خل ب1.50 مجموعهم 25 جنيه علشان الكشيرى
خامسا:
الالبان)
بروح السوق وباجيب البيض البلدى 20 بيضه ب15 جنيه وكيلو جبنه شوالى ب6 جنيه
بالنسبه للمربى باعملها فى البيت وبجيب اللبن 2 كيلو 10 جنيه مجموعهم 30 جنيه
سادسا:
الخضار)
انا شخصيا ببقى مخزنه عندى البسله والسبانخ والطماطم وورق العنب واحيانا الكرنب
ممكن تستنى لما يكونوا رخصوا وتخزنيهم طبعا لو نزلتى السوق مش هصرفى كتير يعنى مثلا فى الشهر 50 جنيه بس
كدا انا خلصت معاكم طلبات الشهر يعنى مجموعهم 450 جنيه بسسسسسسسس وتوفرى 150 جنيه فى الشهر واحيانا
200 جنيه كمان
طبعا هتقولى يابت ال200 جنيه دول هاتعملى بيهم ايه روحى افتحى دفتر توفير وتحطى فيه 150 جنيه ولو فى فلوس اكتر حطى
تخليهم معاكى لان كل 4 شهور هتحتاجى صابون سايل طبعا تجيبى نص مجموعه ب8 جنيه واعملى فى البيت بيكفينى
4 شهور والمسحوق بجيب بيو كلينا 4 ك ب26 جنيه
كفايه بقى كدا لاحسن تعبت ويارب الموضوع يعجبكم ومتنسوووووووووش التقييم
واتمنى اكون وفقت فى المزانيه
للناس اللى مرتباتهم قليله
هااااااااااا اية رايكم بقى
منقول
الله يرزقك ال ببالك يا حبيبتي
|
تسلمى يااااااااااااااارب
اللهم امـــــــــــــــين
ياحبيبتى
بس النصيب
والف شكر لمرورك العطر
ياست الكل ياحبيبتى
وست بيت شاطرة
تسملي يا حبيبتي
كل موضيعك جميل جدا
|
الحلوة بتشوفى كل حاجة حلوة
تسلمى ياحبيبتى
نورتينى