الفتة من مطبخى بالصور ، طريقة الفتة المصرية ، صينية الفتة بالخل والثوم 2024

الفتة المصرية طبق لذيذ ومتكامل وسهلة خالص..
كل اللى محتاجينة لحم مسلوق .. شوربة (مرق )..

أرز مصرى مطهو جربت اعملها بالأرز البسماتيك لكن كانت موش حلوة خالص ..

صلصة طماطم ( 2كوب عصير و ملعقة سمن ملح توابل وتترك عالنار حتى تتسبك )

نجيب طاسة ونحط فيها معلقة سمن وملعقتين ثوم مطحون ونقلب حتى تصفر ثم نضع عليها ربع كوب خل

ثم نضع الخل والثوم على الصلصة ونقلبهم فيها..

اخيراً نيجى للعيش (الخبز ) فية ناس كتيير بتحمصة بس أنا بفضل أنى أقطعة قطع صغيرة ,احطة فى الصينية اللى ها اعمل فيها الفتة وأضع علية سمن ,افضل أقلبة على النار لغاية ما يتشرب من السمن ويتحمص..

خلاص كدة كل حاجة خلصت ..
بجيب الصينية اللى فيها العيش (الخبز ) وأسقيها بالشوربة (المرق ) ثم أضع عليها الأرز الأبيض وأغطى الوجة بصلصة الطماطم والخل والثوم ..
وأخيرا قطع اللحم و أدخلها فرن البوتاجاز ..

وبألف هنا وشفا .