الفراخ المقرمشه زى بتاعت المحلات بالظبط 2024

قطع الفراخ المقرمشة
المقادير:
4 قطع فراخ (صدور أو أوراك)
¾ كوب كورن فليكس مطحون
½ كوب دقيق
بصلة مفرومة
عصير ليمونة
ملح وفلفل
2 بيضة
بهارات
زيت للقلي

الطريقة:
1- تبّلي الفراخ بالملح والفلفل والبهارات والبصل وعصير الليمون، وسيبيه في التتبيلة لمدة من ساعتين إلى 8 ساعات.

2- بعد ما الفراخ تتّبل، اخلطيها مع الدقيق بحيث إنه يغطيها من كل الجوانب.

3- اخفقي البيضة وتبّليها بشوية فلفل أسود، وحطّي قطع الفراخ فيها، وسيبيهم شوية.

4- عند القلي، تبّلي الكورن فليكس المطحون بالملح والفلفل وشوية بهارات، وحطّي الفراخ فيها وقّلبيها من كل الجوانب بحيث إن الكورن فليكس يغطّيها كويس.

5- حمّري الفراخ في زيت غزير وساخن، وحطّيها في طبق التقديم وممكن تقدّمي معاها مكرونة أو بطاطس محمّرة.. وبالهنا والشفا.
لاتنسوا التقييم

هو ايه الكورن فلكس

حبيبتى زاد هتلاقيه فى اى سوبر ماركت وهناك هما عارفينه

مشكورررين ياقمررات

تسلمي عالوصفه