بصوا انا وفرت ازاى بعمل احلى الحلويات و بوفر نص التمن من تدبيرى 2024

حبيباتى حبيت اقول لكم على تجاربى فى التوفيييييييييييييييير
بالاخص فى الحلويات
بصوا انا كنت بعمل كيكة محشية اتعلمتها
هى الكيكة تحفففففففففففففففة بس مكلفة
انا بقى قلت اوفر ازااااااااااااااااااااااااى
الكيكة دى مقاديرها سهلة لكن مقادير الحشو هى اللى مكلفة
حشو الكيكة عبارة عن علبة كيرى 8 قطع ب 8 جنيه
و علبة حليب مكثف ب 9 ج
و علبة قشطة ب 7 ج
يعنى المجموع 24 ج
دة غير مكونات الكيكة الاساسية و كمان طبقة التوفى اللى على وش الكيكة و دى ببتعمل بكيس كراميل و زبدة و سكر و علبة قشطة تانية انا و جوزى حبينا الكيكة اوى بس بصراحة مكلفة

فكرت انا بقى و لقيت الحل و الله وفرت نص التمن اللى قلت لكم عليه بتاع الحشو
عملت ايه انا كل يوم جوزى بيجيب لى اللبن بغلى اللبن من باليل
و بحطه فى الثلاجة طبعا بيعمل وش قشطة بشيل الوش دة و بحطه فى علبة فاضية فى الفريزر و مرة مع مرة لغاية لما عملت كمية
ادينى كدة وفرت تمن علبتين قشطة بتوع الحشو و التوفى اللى على الوش يعنى وفرت 14 ج تمن علبتين قشطة
نيجى بقى للحليب المكثف و دة العلبة بتاعته ب 9 جنيه
جوزى جابلى لبن بودرة سايب من كارفور تقريبا ب 3 او 4 ج
اخدت كوب مليان لبن بودرة و حطيت عليه كوب سكر بودرة و ملعقة سمنة و ملعقة فانيليا و نص كوب ماء و اضربهم كويس اوى بالمضرب و بعدين احطهم على نار هادية مع التقليب علشان الكلكعة و بعد كدة دوقى بقى احلى حليب مكثف و الله احلى من العلب يعنى احنا كدة وفرنا حوالى 5 جنيه لاننا اشترينا لبن بودرة ب 4 ج و تمن علبة الحليب المكثف ب 9 ج
نيجى بقى للجبنة الكيرى انا كنت بشترى علبة كيرى ب 8 ج
لقيت فى السوبر ماركت جبنة كيرى سايبة الكيلو ب 12 ج
جبت ربع كيلو ب 3 ج و حطيته فى الحشو و كفت و زادت يعنى وفرت 5 ج تانية يعنى انا كدة وفرت فى تمن الحشو اكتر من 26 ج
و الله و الله طلعت تحفففففففففففففففة و لذيدة اوى ووفرت كمان دى تجربتى مع التوفير لو عندك اى تجربة قوليها و نفيد بعض

و كمان بوفر فى الرز بعمل الرز بطعم اللحمة من غير ما اعمل لحمة و بيطلع تحففففففففففففففففففة جربوه فى كيس بيتباع فى الماركتات الكبيرة اسمه ميلرز بطعم اللحمة و الكارى و الفراخ و السمك
بتحطيه على الرز و متحطيش معاه ملح ولا اى توابل و دوقى احلى رز بالخلطة و سويه زى الرز العادى خالص يعنى حطى المية بتاعة الرز و حطى الخلطة فيها و حتة سمنة او زبدة و لما يشرب المية وطى عليه و حتلاقى الرز بقى لونه بنى زى الرز بالخلطة بالظبط
و عملت البسطرمة فى البيت بعمل 2 كيلو بسطرمة بتتكلف علية حوالى 50 ج بسسسسسسس
انا كنت بشترى الكيلو ب60 ج
و اتعلمت الكسكسى و بعمله باليل و بفطر منه انا و زوجى كذا يوم و كل دة بكام ب 2 كيلو دقيق بس
نفضل ناكل فيه اسبوع شفتى اد ايه التوفير
و كمان عملت البرجر فى البيت و اللانشون
و الله يا جماعة و فرت و جوزى مبسوط اوى
اتمنى اكون افدتكم و ياريت اللى عندها وصفة للتوفير تقول لنا علشان كلنا نستفيد