ازاى تنظمى شنطة خروج البيبي؟ بعدستى المصورة نشوف مع بعض ازاى؟
ازيكم ياعدولات ياحلوين عاملين ايه؟
النهاردة حاقدم موضوع كان نفسي اتكلم فيه من فترة بس اتشغلت معلش بقي اعذرونى..
وانتى ياماما ياحلوة خارجة مع بنوتك الحلوة أو ابنك الحبوب ياترى عارفة ايه حتاخديه معاكى لطفلك أو طفلتك في شنطتك الجميلة؟
طبعا الموضوع ده لماما أول مرة
حنشوف مع بعض ايه اللى حتاخديه وترصيه ازاى في شنطتك؟
بس ياريت تقيمى الموضوع لانى بجد تعبت في تصغي الصور ورفعها وتجهيز الموضوع
طبعا وانتى بتشتري شنطة البيبي لازم يكون ليها جيوب كتيرة حتنفعك في تنسيق حاجة طفلك أو طفلتك
دى شنطة بنوتى الحلوة جني
ودي من الجهة التانية
أنا عشان بروح لجدتي وبقضى النهار عندها
فبحط 4 بامبرز والمناديل المبللة
طقمين تلبسهم
طريقة تطبيق السالوبيت سهلة
فوطة للوجه وكمان 3 فوط للقشط طبعا هي كبرت دلوقتى بستخدمها عشان امسح افراز اللعاب عندها عشان التسنين
علبة اللبن بتاعتها لانها بترضع صناعى كمان المياه المعقمة الخاصة بيها والببرونة غسلاها ومعقماها
حتاخدى كمان دوا بارامول وكمان دوا للمغص ودى بخاخة physiomer عبارة عن مياه بحر طبيعية عشان أنف الأمورة الصغننة ممتازة وعجبتني جدا
ماتنسيش لعبة للحلوة وكمان العضاضة
ماتنسيش بافتتين وكمان الطبق والملعقة وكوب الخاص ببنوتك أو بابنك
تابعونى
يعني لوشن عبوة صغيرة وقطارة للدوا وشفاط الأنف وترمومتر وصابونة جونسون وكريم لالتهابات الحفاض
فرشاة الشعر
كمان دى مشمع الغيار وخاص بالشنطة على فكرة وليه مكانه بالشنطة
كمان كوفرته عشان لما الحلوة تنام ولا الأمور ينام
طبعا الزبادى جني بتحبه جدا والأطفال كلهم بيحبوه
لما تيجي بقي ترصي حاجة البيبي بصراحة كنت برصهم بطريقة أفقية بس طلعت غلطانة جدا شفت على فيديو قبل كده وانا حامل بجني طريقة الرص بالشنطة بطريقة رأسية وطلعت جمييييييييلة
كل حاجة بقدر أوصلها بسهولة
طب نشوف مع بعض كده
أظن كل حاجة انتى شايفاها ياعدولة
هنا مكان المشمع
هنا مكان الببرونة وبخاخة الأنف
هنا مكان كوب المياه
وهنا مكان المناديل المبللة
يارب يكون الشرح وافى والصور تكون وضحت اللى عايزة اقوله
تحياتى للحلوات وادعولى دعوة حلوة
نترقب المزيد من جديدكِ الرائع
دمت ودام لنا روعه مواضيعكِ
لكـِ خالص إحترامى
تسلم ايدك
روعة بجد
اكييد ***** نجوم
ربي يحمي بناتك يارب
روعة في التظيم والاقتناء والتصوير
الله يبارك
نجووووووووووومي اعجابي وتقييييمي