عدولاتي القمرات مساء الفل على عيونكم
وحشتوني عاملين اية
رجعتلكم تاني انهاردا في حلقة جديدة من البرنامج الاسبوعي
مطبخ نفرتيتي انهاردا محضرالكم كام وصفة كدة وزي ماعودكم وصفاتي ديما سهله وسريعه
اول وصفة هتكون من مطبخي والباقي من النت وحصري للبرنامج فقط
الوصفة الاولى
بيتزا التوست السهلة والسريعه
المقادير
عدد من شرائح التوست حسب الرغبة
طماطم حلقات وفلفل رومي حلقات
جبنة موزريلا
لحمة معصجة
كاتشب
الطريقة
1-نحمص شرائح التوست دقيقة تحت الشواية او في التوستر
2-نفرد التوست في صينية ونحط شوية كاتشب على كل شريحة وبعدين نحط رشة جبنة موزريلا
3-نضيف فوق الجبنة اللحمة المعصجة ونفردها على التوست كويس
ونرص فوقها شرائح الطماطم والفلفل الرومي واخر حاجة نحطها طبقة من الموزريلا
4-ندخلها الفرن 10 دقايق ونطلعها وبالهنا والشفا
بس معلش بقي نسيت اصورها بعد ماطلعتها من الفرن تخيلوها انتم 
فطائر الباف باستر بالنوتيلا
الوصفة عبارة عن نوع حلى سريع
كل الي هتحتاجية عجينة الباف باستر جاهزة
هنقطعها مربعات ونحطي في وسطها شوية شوكولاتة نوتيلا وممكن اي شوكولاتة مكعبات عادية
ونضيف قطع من المارشميلو ونقفلها كويس
وندخلها الفرن تستوي وتتحمر شوية
ونطلعها ولما تبرد تتقدم مع الشاي او النسكافية
الوصفة الثالثة
توست المربي للاطفال
هي مش وصفة بالظبط هي عبارة فكرة لتقديم الساندويتشات للاطفال
بشكل حلو ومحبب
فكرتها بسيطة هتجيبي شريحة التوست وتحمصيها وتفردي عليها طبقة مربى
بعدين في كيس صغير هتحطي شوية زبدة بيضا للاكل او جبنة بدون ملح
وتعمليه زي القمع وترسمي على المربى اي شكل يحبة الطفل
اتمنى تكون عجبتكم في انتظار تعلقاتكم وتصويتكم على مستوى الحلقة
مع السلامة هتوحشوني لحد مانتقابل الاسبوع الجاي في حلقة جديدة ان شاء الله
توقيع الحلقات برعاية المراقبة العسل
ندى ام
تسلم الايادى يا شيف بلادى
تم التكريم
و اضاف الخمسة نجوم
و طبعا الحلقة ممتازة
تسلم ايديك يا روحى
فى انتظارك الاسبوع الا جاى باذان الله
