انا كنت مخطوبة وخطوبتي اتفسخت وخطيبي بعد 6 شهور رجعلي بس للاسف في شوية مشاكل مع باباه ولما صليت ودعيت ربنا ان ربنا يهديه حلمت الحلم ده:
حلمت ان بابا جايلي بيقولي انه باع عربيتي بـ 46 الف جنيه ودي بيعة مشرفة جداااا وان الراجل اللي هيشتري العربية اداله الف جنيه قلتله وبعتها ليه يا بابا هو انا قلتلك اني عايزة ابيعها
قلتله خلاص يا بابا اديني عربيتك اروح بيها الشغل قالي لا انا محتاجاها ، روحت قلتله طيب ادييني فلوس التاكسي ده بياخد 25 جنيه في المرة قالي لا كتير اوووي قلتله خلاص انسي البيعة دي وانا مش هابيع عربييتي واتسرف انت مع المشتري
وبعدين لقيت نفسي معايا حزمتين ملوخية خضراء ورقها صغير بس شكلهم حلو اوي وكنت مبسوطة لدرجة ان عينيا دمعت من الفرحة
يا ترى ده معناه ايه
انا في الحقيقة موظغة وعندي عربية
بياناتي:
– الحالة الدينية للرائية و من معها . – جيدة الحمد لله
– أسماء من فى الحلم و علاقتك بيهم . انا وبابا
– الحالة الاجتماعية للرائية ( أنسة – مرتبطة – مخطوبة – متزوجة – أرملة – حامل ) . أنسة
– هل تعانى الرائية من هموم أو توتر أو قلق قبل النوم . نعم
– توضيح هل الرائية ترقى أم لا . الحمد لله مواظب على الصلوات وقراءة القرآن
– توضيح هل الحلم حلم عادى أم استخارة . حلم بعد الدعاء بتيسير الحال
