زيني التورتة بورود الفوندانتورتة الشيكولاتة بالورود
المقادير:
5 بيضات
كاكاو بودرة
3/ 4 كوب لبن
3 كوب دقيق
3/ 4 كوب زيت
كوب ونصف سكر
4 ملعقة صغيرة بيكينج باودر
¼ كيلو فراولة مقطّعة شرائح
فانيليا
مقادير صوص الشيكولاتة:
¼ كيلو شيكولاتة خام
ملعقة كبيرة زيت
2 ملعقة كبيرة سكر
ملعقة كبيرة نشا
ملعقة زبدة
2 كوب لبن
للتزيين:
ورود الفوندان (هتلاقيه في المحلات اللي بتبيع خامات الحلويات)
كريم شانيه للتزيين
لتحضير صوص الشيكولاتة:
حطّي الشيكولاتة الخام مع ملعقة الزيت في حمام مائي على نار متوسطة، وأول ما تبدأ تسيح ضيفي عليها اللبن والزبدة والسكر والفانيليا والنشا، وقلبيهم كلهم مع بعض كويس لحد ما كل المكونات تسيح وتتجانس.
الطريقة:
1- اضربي البيض مع الفانيليا بالمضرب الكهربائي، وبعد كده ضيفي عليهم السكر والزيت، واخلطيهم كويس مع بعض.
2- اخلطي الدقيق مع البيكينج باودر، وبعد كده صبّي عليه خليط البيض، وقلّبيهم مع بعض كويس باستخدام ملعقة خشب، لغاية ما الخليط كله يتجانس ويتماسك مع بعضه، وبعد كده ابدئي ضيفي الكاكاو شوية بشوية؛ لغاية ما يديكي اللون اللي إنتي عايزاه.
3- هاتي الصينية اللي هتعملي فيها الكيكة وممكن تستخدمي صينية أو قوالب سيليكون على شكل قلب وادهنيها بشوية زيت صغيرين، ورشّيها بشوية دقيق، وصبّي فيها العجين ودخّليها في فرن ساخن، وسيبيها لمدة 30 دقيقة، وبعد الـ30 دقيقة ما يعدّوا افتحي الفرن، واغرسي فيها السكينة علشان تتأكّدي إنها استوت كويس؛ يعني لو السكينة طلعت نظيفة تماما تبقى الكيكة استوت.
4- بعد كده اقسمي الكيكة نصفين، واحشيها بالكريم شانتيه وشرائح الفراولة، وبعد كده حطي نصف الكيكة التاني.
5- افردي صوص الشيكولاتة على الكيكة بالكامل وغطّيها كويس من كل الجوانب، وحطّي في كيس الحلواني كريم شانتيه، واكتبي على التورتة اللي إنتي عايزاه، وزيّنيها بورود الفوندان… وبالهنا والشفا.
نورتى المدونة برجوعك يا ام نيرة
سلمت يدايكى حبيبتى
