يا بنات انا اطلقت من سنه ونص وطليقى حاول يرجعنا وعندى طفل ولد والاهل مرضيوش انا فى ظروف كتير تضطرنى ارجعله منها انه فى ظروف الطلاق اخد درس وكمان ان ابحبه وهو كان كويس بس الخلاف بينه وبين اخواتى خلى الموضوع عند وكرامه كرامه لاخواتى وكرامه له هو لكنه جه وساب كرامته وقال ارجع اخواتى قالو ابدا حاول فتره طويله وزهق وفقد الامل وقال لنفسه ان كان على ابنى هيجيلى كده كده وفعلا برضو بدون دخول فى تفاصيل ابنه هيروحله متقولولش هى بتتكلم كده ليه كانها عارفه الغيب فى تفاصيل كتير مش عارفه احكيها يمكن لما جديده فى المدونة بس تفهمو اللى بقولو وساعدونى بافكاركم على حسب اللى هتسمعوه منى لانى انا ادرى بظروفى يعنى مثلا انا مقدرش اتصل عليه لسبب هيسجلى وانا متاكده فمتجيش اخت تقولى لا كلميه ومش مهم ما يسجلك لو سجلى اخواتىهيتفحو ويمشو موطيين راسهم فى الارض لسبب انافى الصعيد وكمان ده بمثابة فضيحه وانا مش ببالغ اناعايزه واحده زكيه تساعدنى خاصة الوضع اختلف عشان متقولوش اتحدى اخواتك خلاص الوقت فات مبقاش المشكله عند اخواتى لانه زهقو فضلمستنى وبيحاول كتير واخواتى ابدا قالو مستحيل وان ااتكلمت مع اخواتى بكل الطرق اللين والمايله والتحدى وازعيق والعياط والمسكنه المهم يعنى ان هو اتعرف على واحده واتعلق بيها لانه كان فى فراغ عاطفى ووحده سنه ونص بقى بعد ما كنت ماليه عليه حياته انا وابنه وابنه كان نقطة ضعفه الا ان حاليا اتغير اوى رغم انه لحد شهرين كان عايزنا وكمان هو بيحبنى عرف البنت وخطبها وجاب شبكه ومش بيغيظنى وبرضو انا بقولكم ان اعارفه انا بقول ايه هو ناوى على جواز البنت قدامى عالفيس بوك وهو كمان ولو قربت منه هدبح يعنى مش حكاية هيتخانقو معايا لا لو هترسى على خناقه فخناقه تفوت ولا حد يموت لا الوضع هيستمروضع الزل يعنى هعيش مزلوله وسطيهم ومنبوزه وابقى موت وخخراب ديار ولا حصلت كده ولا كده طليقى عارف انى عايزه ارجع لكنه فقد الامل او البنت ملت عليه حياته واقتنع ان الواد هيتربى هيتربى هو اختلف جدا من شهرينوالاسباب مجهوله ان كان زهق من الوحده او البنت عجبته الله اعلم انا لو قربت من البنت معروف ان انا اللى اتكلمت معاها وهى شبطانه فيه اصلا جدااااااااااااااااا واتوقع انها لو عرفت اى حاجه لانه قايلها معلومات غلط لو عرفت هتخبى وتطنش لانه متيسر ماديا وهو مقنع بشكل غريب انا لو مش حافظاه ومثل قدامى اصدق هو عشان يطمنها قايلها ان طليقتى مخطوبه وهتجوز قريب عشان متقلقش وانا مش مخطوبه ولا هتجوز لان ابنى روحى وحياتى ومش هسيبه وكمان احنا فى شارع واحد انا واهل طليقى ومش سايبنى فى حالى انا وابنى والواد بيعلقوه بيهم وانا ماليش حد ولا جران ولا اخت ولا اى حد وماما ربنا يا رب يهديها لو حكتلكم على معاملتها مش هتصدقو ول قلتلكم ان هى شخصيتها كده مش هتصدقو برضو فمش هدخل فى تفاصيل اكتر من كده اتمنى واحده تفيدنى تكون زكيه بفكر واكون فىا لامان وفكرة انى اجيب خط وابعتله منه هيقول هتستغربو انه مش هيقدر انى باقيه عليه اه هيقول الموصوع اصبح موضوع فضيحه قدام الناس وتحدى وكبرياء وكرامه هيجرى يعرف كل الناسعشان يثبت ان اهى اللى مرضيوش يرجعوها انا خطبت وهى بتجرى ورايا مش قلة اصل لا هو فيه الطبع المنيل ده فما بالكم لو ظروفه محتاجه كمان انه يعمل كده ان ااتظلمت معاه كتير وبكيت عمرى ما فرحت الحمد لله على كل حال اللى مش هتقدر تساعدنى تدعيلى ان ربنا يهديه ويسخره ليه ويرده اليه ردا جميلا وان لايرى غيرى من النساء امين يا رب لحسن انا تعبت وفى كرب يحقق لكم كل اللى بتتمنوه اللهم امين يا رب العالمين
لا تقدرى تتكلمى معاه
ولا تقدرى ترجعى له بسبب اخواتك
ولا هو قادر يرجعك بسببهم وعنادهم
ولا اخواتك عاوزينه
ولا هو عاوز يتنازل وممكن يعمل لك فضيحه
وكمان حب غيرك وخطب وبيكزب على خطيبته انك راح تتجوزى غيره
طب فين الحل؟؟
اعتقد ان حياتكم مع بعض انتهت
معرفش بس ده تحليل كلامك
ربنا ييسر امرك ويهديكى للصح
ويسعدك ويخلى لك ابنك
فعلا شكل حياتك انتهت معاه على كده بس يا اختى ارجع واقولك ان انتى كان من الممكن متوصليش الامور للطلاق بس خلاص اللى حصل حصل
خليه يشوف حياته على كده وشوفى انتى كمان حياتك ولو حاسه ان لسه فيه امل يبقى خلى حد كبير من اهلك يقف لاخواتك زى اعمامك او خلانك حد كبير من العيله بمعنى اصح او ممكن تشوفى شيخ المسجد عندكو وتحكيله وتأمنيه انه ميقولش لحد وتطلبى منه انه يتدخل وكأنه عايز يلم شملكو وتطلبى منه انه يتحايل على اخواتك يوافقكو وكمان ممكن الشيخ ده يجيب معاه شوية ناس من المسجد يكونو ناس صالحين ويتدخلو هما كمان ويحاولو يصلحو الوضع
وربنا معاكى وييسرلك الخير ويهدى اخواتك يارب
فعلاً كل الطرق مسدودة
بس هدعيلك
ربنا ييسرلك حالك ويردلك زوجك رداً جميلاً
ويلم شملكم اللهم امين