انا هحكيلك حالتى قبل ماانام كنت بعيط عياط شديد بسبب ان سلفتى دى هى لسه عروسه بقالها شهرين كل لما تشوف ولادى تقولهم تعالو اما اديكو درس وهى كليه حقوق يعنى مش مدرسه ولا حاجه المهم ولادى فى يوم نزلولها تديهم درس انجليزى كانت كاتبه كلمه غلط يعنى هى مش متقنه الماده
فى يوم اللى هو انا شوفت فيه الرؤيا الابله الاصليه اللى ولادى بياخدو عندها درس مش بتلاحظ ولادى كويس فى الدرس فزوجى قال لحماتى فحماتى راحت للابله تقولها خودى بالك من العيال والكلام دا وحماتى قالت لزوجى ان سلفتى لما عرفت ان الابله مهمله مع العيال بتقول خليهم يسيبو الدرس واديهم انا يعنى سلفتى هى اللى تديهم معلشى لافيت معاكى لفه كبيره بس علشان تفهمينى
انا زعلت جدا بسبب ان انا كنت بدى دروس اصلا بس حماتى كانت بتطفشلى العيال وكانت تفضل تقولى كلام جارح فزعلى انها بتحامى لسلفتى وعيزاها تدى للعيال درس وكانت بتطفش العيال اللى بيجو ياخدو درس عندى زعلنى وحسسنى بالظلم والقهر يعنى فى تفرقه فى المعامله
فاعدت اعيط كتيييييير ونمت شوفت فى المنام سلفتى دى كانها فى شقتى نايمه على السرير على ضهرها وحاطه ماسك او قناع على وشها زى ماسكات الحبوب والحاجات دى والماسك لونه اسود شبه الاطران اسود جدا ماعدا مناخيرها الماسك اللى عليها لونه ابيض فانا ببصلها وشكلها مش حلو خالص وبقول هى ازاى زوجها قادر يعيش معاها وهى شكلها كده لانها فى المنام تقريبا عايشه كده بالماسك علطول لان تقريبا فى فوشها حبوب فانا لاقيه شكلها مش حلو وبقول ازاى زوجها عايش معاها وهى كده وكمان صوتها تخين غير الحقيقه صوتها هادى ورقيق فانا قولتلها فى المنام انتى بتفكرينى بواحده صاحبتى اعدت افتكر صاحبتى دى بس مفتكرتهاش قالتلى اهو انا كل متكلم هتفتكرى صاحبتك دى
معلشى طولت عليكى بس ياريت حد يفسرهولى ربنا يسعدكم ويجمعنا مع بعض فى الجنه
جيد ان ما رايته على وجه زوجة حموك كان قناعا و لم يكن وجهها فكل شيء غير محمود على وجهها الحقيقي كان سيعود عليك بامور غير حميدة و عليه فان منامك دلالة على انك مهمشة و حقيقتك ليست كظاهرك . و الله اعلم
|
معلشى هتعبك يعنى التفسير يخصنى انا انا اللى حقيقتى غير ظاهرى ولا هى والصوت التخين ايه
ولا هى ياريت توضحى معلشى بتعبك معايا
ان من حولك لا يعرفون حقيقتك و قدرك و لا يقدرون جوهرك. اما عن صوتها فيقول الله عز و جل : "ان انكر الاصوات لصوت الحمير"و نحن طبعا نقول عن الغبي الجاهل حمارا. طبعا مع احتراماتي لشخصها. و الله اعلم
|
ربنا يسعدك يارب ويجعله فى ميزان حسناتك ويفتحلك ابواب رحمته