تخطى إلى المحتوى

صينية الفراخ المشوية في الفرن بريحة الفحم 2024

الونشريس

جيبالكن اليوم طريقة أمي في عمل الفراخ المشوية

يا رب تعجبكن

الونشريس

2 فرخة وسط ممكن أقل على حسب العيلة

مقادير التتبيلة

بصلتين وسط
10 فصوص ثوم
1 قرن شطة خضراء حارة
2 فلفل أخضر
كوب زبادي
2 طماطم وسط
ملح
فلفل أسود
كاري
بهارات مشكلة
كمون
3 ملاعق خل أو ممكن بدلها 3 ليمون

الونشريس

نغسل الفراخ كويس أوي ونسلخ جلدها لأننا مش بنحب الجلد أوي وده طبعاً حسب الرغبة .

نقطع الفرخة 6 قطع ونشرحها كويس بالسكينة عشان التتبيلة تدخل جواها .

نفرم المكونات اللي فاتت في الخلاط وبعدين نتبل الفراخ فيها ليلة كاملة بتبقى أحلى بس ماما كانت مستعجلة أخدت ربع ساعة في التتبيلة بس
بالشكل ده .

الونشريس

بعدين نحضر صينية الفرن
نفرش في الصينية طبقة بصل طرنشات ونرش عليها ذرة ملح وفلفل أسود زي كده

الونشريس

بعدين نرص طرنشات بطاطس زي كده
وعليها برضه رشة ملح وفلفل أسود

الونشريس

بعدين نرص الفراخ وماما هنا عملت بصل صغير بتاع الأوارمة في التتبيلة ورصته في الصينية مع الفراخ بالشكل ده

الونشريس

بعدين ضافت ملعقتين زيت و2 كوب ماء صغير ونغطيها بورق فويل وعلى الفرن على طول لحد لما تغلي شوية

وبعدين نهدي النار على 170 لمدة ساعة وربع وبعدين نكشفها ونعلي النار عشان تشرب ميتها وتتحمر وممكن نشغل الشواية لحد ما تتحمر

وبعدين نسخن فحمايه أوي ونحطها في ورقة فويل زي الطبق ونضيف نقطتتين زيت ولما تدخن نغطي الفراخ بالفويل تاني عشان تاخد ريحة الفحم وده هيبقى شكلها بعد ما طلعت من الفرن وأخدت طعم وريحة الفحم

الونشريس

ودي بعد ما شيلت البصل

الونشريس

الونشريس

منقووول

    يا سلام على الحلاوه
    تسلم ايدين مامتك الحلوين
    تم التقييم لعيون ست الكل

    تسلم ايد ماما وايدك يا حبيبتى
    شكلها رااااااائع وخمس نجومالونشريس

    جميييييييييييييلة اوي ماشاءالله بجد تفتح النفس

    تسلم ايد مامتك ياقمر

    ﻳﺴﻠﻤﻮﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭ
    شكرا لك

    روعه ربنا يعطيكم العافيه

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.