ازيكم حبيباتي وحشتونى قوي
النهاردة حاقدم ليكم صينية كوسة باللحمة للمبتدئات
يارب تعجبكم
كيلو لحمة مسلوقة نصف سلقة
لو عجالى يبقي زى ماهى من غير سلقها
كيلو كوسة
كيلو الا ربع طماطم
2 بصلة كبيرة
6 فصوص ثوم
ملح فلفل
شوربة
قطعي البصل شرائح وقطعى الثوم وقلبيهم على بعض وضعيهم في الصينية وضعى عليهم ملح وفلفل أسود
قطعى الكوسة
اضربي الطماطم وصفيها عشان البذر مايظهرش علي سطح الصينية
ضعيهم علي بعض وضعى اللحمة وقلبيهم
ضعى الشوربة لحد ماتغطى الكوسة
ضعى ملعقة سمن علي الوجه
حنكون شغلنا الفرن قبلها وانتى بتجهزى الأكلة
ضعى الصينية بالفرن
اتركيها حتى تمام السوا
شغلى الشواية وحمري وشها
وقدميها مع أرز بالشعرية
حتحمرى الشعرية في سمن
ضعي الماء المناسب لكمية الأرز اللى انتى عاملاها والملح
لحد ماتغلى وبعدين ضعي الأرز المغسول لحد ماتغلى المياه وخفضي درجة الحرارة عليها لحد مايتشرب المياه
وبالهنا والشفا حبيباتي
أترككم مع الصور
ودى وأنا بعمل الأرز بالشعرية
بالهنا والشفا على قلوبكم
تم التكريم
و
الخمس نجوم
ماليش دعوه
تسلم ايدك حبيبتى
الف صحه ياقمره