بصوا ياحبايب قلبي في 3 طرق لصنع الزباد بالفواكه لولادنا تعالوا اقولك عليها
اول طريقة:كوباية زبادي+ ملعقة أكل مربى بالنكهه اللي تفضلوها
ممكن فراوله او توت او مشمش حسب الذوق كما يمكن زيادة كمية المربى
اخلطي الزبادي مع ملعقة المربى وسوف تحصلي على زبادي بالفواكه
في ثواني فقط
الطريقة الثانية:اغسلي الفراوله وقطعيها حوالي ربع كيلو فراوله وضعي عليهم ملعقهتين كبار سكر او الكميه اللي انت عايزاها وسيبيهم ربع ساعه
حتنزل الفراوله ميتها فاخلطيها هي ميتها مع الزبادي وقدميه
برضوا بتدي طعم ونتيجة ممتازة
الطريقة الثالثة:ودي الطريقة المفضلة عندي
حتجيبي كيلو لبن
علبة زبادى صغيره
2ملعقة لبن بودره
كوب فراولة
حنغلى اللبن ثم نضربه فى الخلاط مع الزبادى والفراولة
طبعا اللبن سخن والزبادى والفراولة باردين
هيبقى الناتج النهائى فاتر
نسخن الفرن 10دقايق ثم نطفيه
ونضع الخليط فى كوبيات ونتركه فى الفرن حوالى6 ساعات ثم ننقله الي الثلاجه
اتمنى يعجبكم تحياتي اختكم(مرمورة)
