انهارده هقدملكم طريقه سهله وبسيطه جدا لعمل الكايزر
المقادير
ك دقيق
ماء دافيء
لبن
2 م كبيره خميره
كوب زيت
ذرةملح
ذرةسكر
معلقه صغيره بيكينج باودر او محسن كيك
الطريقه
اول حاجه
فى كوبايه لوحدها
هندوب الخميره مع معلقه صغيره سكر فى شوية ميه دافيه ونسيبها حوالى 10 دقايق لو الجو برد سيبيها ربع ساعه او لحد ما ترتفع
بعدها
هنحط المقادير الجافه على بعضها
الدقيق والملح والسكر ومحسن الكيك ونقلبهم
بعد كده هنضيف اللبن والميه الدافيه والزيت والخميره ونبتدى نعجنهم كويس جداا
زى كده
هنسيبها تخمر لحد ما يتضاعف حجمها وهندهن صينية الخبز زيت كويس ونبتدى نكورها كور صغيره فى الصينيه اللى هنخبزها فيها ونسيبها تخمر تانى ودى التكه اللى لازم نعملها عشان الكايزر ينجح
وده شكلها بعد ما خمرت تانى وقبل ما تدخل الفرن
هندخلها الفرن على الرف الوسطانى واول ما الوش يبتدى يحمر هنكون مجهزين بيضه مخفوقه كويس وبالفرشه هنلمع الوش ولو عندك سمسم هترشيه على الوش بعد البيضه بس انا للاسف مكنش عندى ونشغل الشوايه وقت قصير وناخد بالنا منها كويس مش هتاخد وقت فى الشوايه
وده الشكل النهائى للكايزر
اتمنى يكون عجبكم وان شاء الله تجربوه
بالف هنا ياقمرات
مع السلامه
روووعة
مبروك التكريم
والتقييم
