الســـــــــــلام عليكم
وحشتووووني اوووي الصيف هل علينا والحر كمان عشان كده جايبه لكم طريقه لحلي بارد سهل ولذيييييذه جداااا
وخصوصا لمحبي الاناناس ان شاء الله يعجبكم
يلا نشوفه الاول عشان افتح نفسكم
7
المكونات
علبه كمبوت اناناس
2 كريم كراميل ( البودر بس )
دريم ويب
بسكويت ساده
و4 قطع جبنه كيري ( اختياري )
والتزيين فستق مبشور او شكولاته مبشوره زي ما تحبي
الطريقه
ناخد شويه مايه من بتاعة الاناناس ونبل البسكوت بتاعنا ( وممكن تستخدمي الحليب السايل بديل )
ونرص طبقتين في ارض الصنيه
نحضر بقه طبقه الاناناس
نحط الاناناس بتاعنا بالمايه بتاعه كله في الخلاط مع 2 كريم كراميل
ونضربهم كويس ناعم
نحطه في الحله علي النار لحد ما يغلي ويتقل معاكي
معلش مصورتش الخطوات دي
وبعدين نضيفه للبسكوت بتاعنا ونحطه في التلاجه لحد ما يجمد ويبرد معايا وطبعا هيجمد بسهوله عشان الكريم كراميل
نجهز الطبقه التالته
الدريم ويب بتاعي بالمضرب الكهربائي ونحط شويه حليب بارد لحد ما ينفش معايا
وبعد اضيف الكيري
ونضرهم كويس تاني
ونزوقه ونضعه في التلاجه مش اقل من ساعتين
شايفين الجمال
وزووووووووووم لزوم التجويع 
حلوه اوى
واحلى 5 نجوم لعيونك
تسلم ايديكى حبيبتى
مبروووووووووووك التكريم
