النهاردة حبيت اقدم لكم خلطة فراخ انما ايه طعمة وبسيطة وغير مكلفة بالمرة وكمان حبيبتني في الفراخ تاني نبدا :
فراخ
2 ثمرة فلفل رومي
2 ثمرة طماطم
2 بصل متوسط ( لو بصلة كبيرة اعملي وحدة )
4 فصوص توم
2 معلقة صلصة كبيرة
2 ثمرة ليمون
ربع فنجان خل
1 معلقة شاي مستردة ( لو مش عندك مش لازم )
بهارات ( فلفل كمون ملح شطة اللي تحبيه حطيه )
طبعا مش بنحط زيت علشان الفراخ بتنزل
ملاحظة :المكونات ديه تكفي فرخة ونص
ابشري البصل والثوم والطماطم والفلفل الرومي اوحطيهم في الخلاط واخلصي وبعدين حطي الصلصه وبعدين الخل والليمون و المستردة والبهارات واخلطيهم كويس بمعلقة او مضرب يدوي وبعدين اغسلي الفراخ كويس وبعدين تبليها بس لازم تشرحيها علشان الخلطة تدخل جوا الفراخ وتدليها طعم من جوا ومن برا انا صورتلكم الخطوة ديه (يفضل انكم تسيبوها شوية في التلاجة بس لو مستعجلة سويها على طول )
وبعدين تحطيها على النار شوية انا صورت برضوه الخطوة ديه
وبعدين تدخلوها الفرن ده الشكل النهائي
اتمنى تجربوها وصدقوني انا بقيت معملش الفراخ غير بالتتبيلة ديه
تسلمي ياعسل
مبروك التكريم