ازيكم ياجمل عدولات انهاردة عملت السبيط
وهو سهل اوى وبسيط لعيونكم
المقادير
1كيلو سبيط
3 بصلات كبيرة
5فصوص ثوم
3حبات فلفل اخضر
3حبات طماطم كبيرة
حزمة شبت
ملح وفلفل
بابريكا – كارى حسب الرغبة
الطريقة
اولا هنضف السبيط كويس اوى وممكن تخلى
الراجل ينضفهولك عشان لو مفيش عندك وقت
وبعدين هنقطع كل المكونات بحجم صغير
ونضيفلها كل البهارات والملح
وده شكلها
وبعدين هنقطع السبيط قطع صغيرة زى الشاورمة
ولو عايزاه شرايح طويلة ممكن بس كل مايصغر
ميخدش وقت فى السوى
ونتبله بالخلطة بالشكل ده
ونتركه لمدة نص ساعة ياخد من التتبيلة شوية
وبعدين نحطه فى صينية متوسطة او طاجن لو عندك
وندخله الفرن لمدة ساعة بالظبط مع تغطية الوجه بفويل
واخر عشر دقايق نشيل الفويل لتحمير الوجه
وهيبقى شكله كده وطعمه بقي بيبقى تحفة
منورة حبيبتى
تسلم الايادى
الف مبروك التكريم
الف مبروك التكريم
نورتى ياهوبا ربنا يبارك فى عمرك حبيبتى
