السلام عليكم
بصو يا بنات انا بعمل الكريمه ديه فى البيت
وانتى لو رحتى تجيبى تورته من الحلوانى وقلتى عايزه تورته بالكريم اوبير او كريمة الذبده هتتدفهى مبلغ محترم جدااا
لانها غاليه اوى مع انك لو عملتيها فى البيت مش هتكلفى حاجه كله عندك موجود
المقادير والطريقه مع بعض لانها سهله
نضع بياض 7 بيضات ونضربهم لحد ما يعمل مارنج كويس
نضع كوب سكر ونص كوب ميه على النار لحد مايتجانس الخليط ويكون عمل زىالشربات بتاع الكنافه بس تقيل وناخده ونضيفه على المارنج براحه والمضرب شغال عليه لحد اما يلف فى بعضه نسيبه يبرد خالص ونحط عليه بعدكده 150جرام ذبده صفرا انا بستعمل اما فيرن او النيوزلاندى بالتدريج لحد متكون كريمه اسمها اوبير
على فكره يا بنات والله الكريمه ديه تحفه جدااا واحسن من الكريم شانتيه والكريمه اللبانى تسخدم فى التغطية والحشو للتورات
والى عندها اى سؤال انا موجوده
وفى الاول وحشتينى
ايه الاخبار؟
انا الحمد لله سالت عليكى العافيه
وجربى الطريقه ديه هتعجبك اوى وهتدعيلى والله