ازيكم يابنات طبعا انا حكايتى طويلة اتمنى تقروها
ومتزهقوش منها وتبقى عبرة لكل بنت نفسها تبقي ام
اولا : انا قعدت 8 سنين من غير اطفال والحمد لله
ربنا انعم عليا بالشمبنزى الصغير سيف الله ابنى ههههه
جالى بعد صبر كتير وتبعت مع دكتورة بس كان عندى
مشكلة انه لازم اخد مثبتات واخدت وعديت الحمد لله
وديه صورته وانا فى الشهر الثالث
اما ديه وانا فى اخر الرابع
معلش طبعا انتوا عارفين تصوير الموبايل
نكمل الحكاية عدوا التسع شهور وولادة فى اول يوم فى
التاسع قيصرى الحمد لله
وبعدها شرف استاذ سيف وبدأ رحلة التربية
بدأت اهتم بيه واحدة واحدة من مستلزمات
وتطعيمات طبعا واكيد مش هقلكم على التعب ربنا
مايكتبها على حد والصفرا كمان قعدت معاه لغاية
الشهر الرابع وبدأت اكله سيريلاك من الشهر الرابع
وخضروات وفاكهة مهروسة من الشهر السادس
كان عندى مشكلة ان ابنى مكنش بيمشى زى الاطفال
اتأخر شوية لانه سنن
يعنى لسه ماشي اول ماتم سنة ونص
وبعدها بدأ اصلي قدامه وباباه كمان يصلي قدامه
وبدأ يقول ماما وبابا وشوية حاجات كده مش بنفهمها
ههههههههه وبدأ دلوقتى ينزل فى الارض يصلى
مع باباه ويعمل بأيده حركة التكبير وطبعا
انا علمته لما يجى يشرب لازم يلبس البفتة
والحمد لله علمته يقعد على البوتى
ويارب اقدر اطلعه ذرية صالحة ينفع بلده
ودينه ويقدرنى على تربيته ادعولى
ومعلش طولت عليكم يارب الموضوع يعجبكم
وتشوفيه من احسن عباد الرحمن
بارك الله فيك
ورزقك اخوه واخوات له
مبروك تكريم موضوعك
مشكووووورة يا قمر