بصوا بقي يا قمرات انا متخصصة في العصائر بحبها جداً وبحب اجدد فيها
وبما أننا دلوقتي في موسم الليمون بصراحة تحفة وسعره كمان تحفة كيلو الليمون بــ 2 جنيه
يعني لازم نركز عليه
بس الليمون بيعمل حموضه للبعض علشان كده انا بحب اضيف ليه لبن بيقلل الحموضه
وكمان بحب احط رشتين فانيليا بتديله رائحة وطعم مميز
لتر الماء تقريباً بياخد من 6 : 7 ليمونات
السكر حسب الرغبة ممكن 5 ملاعق كبار
وممكن اكتر للي بيحبه السكر الزيادة
طبعاً لازم نقشر الليمون علشان ميبقاش مر
وكمان انا باخد القشر انشفه واطحنه واستخدمه مع الكيك بديل للفانيليا
الاول انا بضرب الميه واللبن والسكرعلشان ادوب السكر
ولو مش عندك لبن حليب حطي 3 ملاعق لبن نيدو
انا بحبه بنيدو
بعد كده نضيف الليمون المقطع ونضرب كويس وبعدين اصفيه
واحطه في الخلاط تاني مع الفانيليا وضربتين كمان علشان الرغوة
حسيبكم مع الصور
تسلم ايدك يا سكره
رائع حبيبتي تم التكريم يسلمووووووووو
تسلم ايدك
تسلم ايديك يا قمر
|
تسلمي يا فراولتي بحب اشوفك في مواضيعي يا قمر
|
تسلمي يا قمر ربنا يكرمك
|
تسلمي يا تولهان نورتيني
|
تسلمي يا حبيبة قلبي منوراااااااااني