هقولكم طريقة عمل الممبار
واللي ميعرفهوش هو عباره عن امعاء البقر والجاموس زي السجق بس كبير
1:اولا لازم تختاري ممبار طاااااااااااااااااازج عشان ميكونش فيه ريحه ويكون طعمو جميل وسهل التنظيف
2:هتلاقيه عامل زي الحبل الطويل خديه وقطعيه مثلا بطول معلقة الشاي كده
3:خدي كل واحده واقلبيها علي ظهرها ومعلش اتحملي الريحه شويه
امسكيها من طرفها وحكيها بالسكينه هتلاقي طبقه كده طلعت بسهوله معاكي
واعمل كده في كل الوحدات هو متعب شويه بس النتيجه هااااايله
4:خديه واشطفيه كويس جدا جدا بماء جاري واعصري عليه ليمونه وملح كتير وشوية خل
وسيبيه تلات ساعات عشان ينضف كويس
وده شكلو بعد ما نضف
5: اعملي خلطة المحشي وهي عباره عن بصلتين متوسط+شبت+بقدونس+كسبره لاخضراي +عصير نص كيلو طماطم+ملح+فلفل اسود+قرن فلفل حامي للي عاوز+كوبين ونص رز +تلات معالق صلصة طماطم وممكن تعمليها بباكو صلصه بس بدون طماطم لانها غاليه اوي
والكميه دي تكفي كيلو ممبار
وده شكل الخلطه
بعد كده احشي الممبار( ولكن اقلبيه مره تانيا واشطيه من الوجه بالليمون تاني) بالرز وما تملهوش خالص واخرجي الهواء منو يعني مثلا ف الواحد معلقتين رز وخلي الاطراف فاضيه زي كده
وحطي حلة كبيره علي النار فيها ماء وحبتين هيل وشويه ملح صغير
وسيبيها تغلي وبعدين نزلي فيها الممبار بشويش خالص
وبياخد في السوا من 45دقيقه لساعه وتعرفي انو استوي خدي واحده ودوقيها لو الجلده اتقطعت معاكي بسنانك تبقي استوت خلاص
وده الشكل بعد السوا
وبعدين ادهني صينيه زيت ورصي فيها الممبار وادهني الوش زيت وحطيه في الفرن للتحمير وبالهنا والشفا
يا رب الصور تطلع
ويا رب تعملوها وتعجبكم
نصيحه للبنات نظفي الممبار في يوم غير يوم الطبخ
واعمليها يوم تاني
عشان متتعبيش 
في امان الله
يسلموووووووووووووو على المرور العطر
نورتي
دمتي بحفظ الرحمن