انا عارفه ان اليومين دول موسم ورق العنب فحبيت اقولكم على طريقه تخليكم تكلو ورق عنب
طول السنه ………………………………………….. ……………………………….
تجيبو ازازه مياة غازيه أو مياه معدنيه وتغسليها وتنشفيها كويس جدا ويفضل انك تسبيهاكام ساعه لحد ما تنشف كويس ……………..
وبعد كده تجيبي ورق العنب وترصي كام ورقه فوق بعض وتلفيهم وتدخليهم في الازازه وهكذا
اهم حاجه تملي الازازه للاخر بحيث انه مش يكون في أي هواء داخلها وممكن تعملي ده بواسطة
اي عصايه خشب بس خليكي حريصه على شان ورق العنب مش يتقطع واقفلي الازازه وحطيها
في أي حته انا كنت بحطهم في دلاب المطبخ ….
وتقدري تعملي الكميه اللي انتي محتاجاها طول السنه
بس لما تيجي تحشي اقطعي الازازه من النصف واسلقي ورق العنب واستخدمي على اد الاكله
وشيلي الباقي في الفريزر
انا جربت الطريقه دي ولقيتها احسن من التخزين في الفريزر علي شان المكان في الفريزر استفيد
بيه في حاجه تانيه.
أتمنى ان يكون موضوعي مفيد وأشوف ردود جامده
ربنا يبارك فيكِ وبافكاارك
|
