وحشتوني ياعدولات طبعا انا عارفة اني في وشكم طول اليوم بس انا اقصد القسم
من زمان مانزلتش في المطبخ اصل من غاوية نقل بحب انزل وصفات الشيف نفرتيتي الخاصة
خلاص بقى كفاية رغي تموتو في الرغي
جيبالكم وصفة سهله اخر حاجة
فطائر الباف باستري باللحمة المفرومة والخضار
المقادير
عجينة باف باستري جاهزة
لحمة مفرومة
خضار مشكل مسلوق(بسله,جزر,فلفل رومي,ذرة)
بهارات وملح
بصل
الطريقة مع الصور
1-نعمل عصاج اللحمة (نحمر البصل في الزيت ونحط علية اللحمة المفرومة ونقلب شوية بعدين نضيف الخضار المسلوق بس مايكنش كامل التسوية ونضيف معلقة صلصلة طماطم والبهارات والملح ونغطيها ونسيب الخلطة على نار هادية)
وده شكلها
2-دلوقت نحضر العجينة ده بيكون شكلها
بنقطعها ونفردها بالنشابه ونشكلها بأي شكل احنا نحبة انا عملتها دوائر
نحط الحشو الي عملناه على كل وحده ونقفلها كويس(نلزقها في بعض بخليط بيض مع لبن)وندوس عليها بالشوكة عشان تقفل كويس وندهن الوش بيض ولبن للتحمير
3-ندهن صينية الفرن بالزيت ونرص الفطائر فيها وندخلها الفرن تقريبا نص ساعه او اقل هي مش بتاخد وقت كتير في الفرن وبعدين نطلعها بعد ماتتحمر ونقدمها وبالهناء والشفاء
ده عملتها كبيرة شوية
طبعا العجينة ده ممكن تغيري حشوها زي ماتحبي ممكن تحشيها(شكولاتة وتبقى كروسون,مربى وتبقى دنش,او جبنة بيضا,او تونه )
اي حاجة ابتكري
شكلها يجنن
تسلم ايدك يا جوجو
حلوة اااااااااااووووووى
روووووووعة
تسلم ايدك شيف شيف يعنى
حلوة اوى هجربها ان شاء الله
ولا ابقى ابعتيهالى ع المستعجل
ههههههههه تسلم ايدك يا روحى
