عايزاكم في موضوع مهم جدا
يلا نبدأ
بسم الله
عايزة اسألك في سؤال …
انتى لو جبتى جهاز جديد غالى جدا ومتعرفيش عنه حاجة اول حاجه بتعمليها ايه ؟
بتروحي تسألى اى حد متعرفيهوش و تقوليله استعمله ازاى ؟
ولا بتشوفي الكتالوج ؟
اكيد طبعا بتشوفي الكتالوج لانه مكتوب من اللى صنع الجهاز ده وهو ادرى بيه
هو عارف بيبوظ ازاى
وبيشتغل ازاى
و بيتعطل ازاى
وطبعا بتنفدي كل التعليمات بدقه شديده عشان الجهاز ميبوظش وعشان انتى عارفه انك مش على علم كافي بالجهاز ده وان اللى كتب الكتالوج ادرى منك بيه .
طيب سيبك من الكتالوج بقى شويه وركزي معايا
المناظر اللى بقينا نشوفها بنات و شباب مع بعض في كل حته مع بعض و ضحك وهئ ومئ …. الخ
ولو كلمتيها تقولك ده زميلي
ده ابن خالى
ده ابن عمتى
ولا الكبيرة بقى … دي مجرد صداقه بريئة
و بتبقى شويه وهتضربكــــــــ
انا عايزة اوضح للبنانيت دول حاجه ..
حبيبتى عارفه لما تبقى رايحه بيت جديد واول مرة تقابلي جارتك الجديدة
بيبقى كلامك معاها رسمي اوى (( اؤمرى – اتفضلى – حضرتك – مدام ))
ولو لقيتيها شديدة ومش بتعبرك و بتقفل في الكلام معاكي … بتحسي انها مش طيقاكي …انتى من نفسك بتبعدي عنها
ولو لقيتيها حبوبة و بشوشه وبتضحك معاكي بتبدأي تحبيها وكل فترة كلامكم مع بعض يزيد
و بتاخدوا على بعض اكتر و مواضيع كلامكم نفسها بتتعمق وتتغير
وممكن تقوليلها ايه يا موزا الشياكه دي
ببساطة بيحصل بينكم ليـــــــــــونة
بيبقى عادي مفيش تكلفه بينكم
و بالظبط ده اللى بيحصل لما شاب ( من اياهم ) يجي يكلمك .. بيجي يتنحنح و يفتح معاكي اى موضوع " بيشوفك لينه ولالا هينفع يوقعك ولالا "
وحتى لو بدأ يكلمك بنيه سليمه لو لقاكي سهلة ممكن نظرته ليكي تتغير …
لقاكي شديده ومش هيجي منك وبتقفلى معاه في الكلام .. سابك في حالك
لقاكي بتكلميه عادى كإنه اخوكي .. بيبدأ يرسم عليكي يا قمر
وشويه وهتلاقيه جاي يقولك بحبك
و انتى يا عيني طيبه وغلبانه وهتصدقيه وقلبك هيقع
لان المرأة بطبيعتها بتلين بالكلام الناعم .. ربنا خلقنا كده
ما بالك بقى من بنوته في فترة مراهقة قلبها ومشاعرها بيدوبوا من اقل كلمتين
وتقع المسكينه في حبه وهي فاكره انه بيحبها
ويجي في الاخر يشوف واحده احلى منها و تعجبه و يسبها
وتتجرح وتتمنى الموت بسببه ..
شوفتوا ايه اللى ممكن يحصل بمجرد انك اعتبرتيه اخوكي و اتكلمتى معاه عادي
يبقى ليه يا حبايبي نعمل في نفسنا كده
ليه نجيب لنفسنا الزعل و الخنقه ووجع القلب و الاهم من ده كله زعل ربنا مننا
حبيبتى احنا القران منهجنا ( كتالوجنا ) ربنا حميكي بيه .. عارفه لو اتمسكتى بيه هتعيشي احلى حياة وهتفوزي بالجنه ♥
قال تعالى : (( فلا تخضعن بالقول فيطمع الذي في قلبه مرض ))
ربنا عالم انك ضعيفة قالك متلينيش عشان هو ميطمعش
هو لما يلاقيكي بتعامليه هو هيطمع فيكي
هيتسلى بيكي
هيخليكي لعبه
هو في قلبه مرض بس انتى ضعيفه
**
مهما كان انتى ايمانك قوي ومهما كان بتصومي و بتصلى اقولك حتى لو كنتى منتقبه … لو خضعتي بالقول هو هيطمع و انتى هتضعفي
وربنا يغضب منك
يبقى من النهارده يا حبايبي مفيش خضوع بالقول … مفيش لين في المعامله … مفيش حاجه اسمها ابن خالتى و ابن عمتى
من النهارده هيبقى كلامنا على قد الحاجه بس
على انتى درة مكنونة و جوهرة مصونة لازم تحافظي على نفسك و على قلبك من الفتن
انتى بنوته رقيقة و ناعمه لزوجك بس
يعني اول حد يقولك بحبك ده يبقى زوجك
غير كده الله يسهله
حافظي عشان قلبك عشان انتى بنت الاسلام انتى حفيدة الصحابيات
انتى جوهرة مصونة صانك الاسلام بغلاف العفة و الشرف
انا كده خلصت يا قمرات
السلام عليكم و رحمه الله و بركاته
استودعكم الله
مما اعجبني
منقوووول
نورتونيييييييييي