انا عملت ست بيت وجبت عقبال عندكم
قرع عسل لكن مشعرفة اعمله أذاى
أصل انا شطرة أوى أعملوا أذاى حادق
أولا ثم الحلو
جزاكم الله كل خير
أتمنى يفيدوك
أتوقع إيدام مع الخضروات
وينفع تعمليه مربى
وتجزى بشاميل زى اللى بتعمليه للمكرونة تمام بس من غير ملح اوعى ده صنف حلو وحليه حسب رغبتك
اما يبرد القرع اللى مش مهرى رصى جزء فى الصنيه وحطى عليه جزء بشاميل ومكسرات زى ما تحبى بس انا مبحبش الممكسرات ولا الزبيب مبتبانش فيه
وكمان طبقه وبشاميل فوق وبيضه ع الوش عشان يحمر ودخلى الفرن
ملحوظه(القرع لما تسلقيه اوعى يتهرى منك وكمان لما تحطيه فى الصنيه صفيه تمام)
المقادير:
5 ملاعق كبيرة دقيق
صباع زبدة
سكر خوالي كوب ونصف
بيضة + فانيليا
ماء كافي لسلق القرع العسلي
عدد واحد قرع عسلي
واللي ما تعرفهوش دي صورته
الطريقة:
قشري القرع العسلي وقطعيه قطع صغيرة ثم اغسليه واسلقيه مع السكر
بعد ما يستوي القرع صفيه واحتفظي بماء السلق علشان هنعمل بيه البشاميل الحلو
اهرسي القرع جيدا ليكون سهل الفرد في الصينية واتركيه جانبا
الى ان ننتهي من تحضير الباشميل الحلو
اول شئ حطي صباع الزبدة في الطاسة وبعد ما تسيح حطي الدقيق
وقلبيه بالملعقة السلك
وبعد 3 دقائق حطي ماء السلق وحوالي نصف
كوب حليب وقلبي كويس بالملعقة السلك
وبعد ما يثقل قوامه ارفعيه من على النار وضيفي البيضة والفانيليا وقلبيه جيدا
حطي نصف كمية الباشميل في قاع الصينية
وحطي فوق الباشميل القرع العسلي
واخر شئ فوق القرع العسلي النصف الاخر من الباشميل
ضعيه في الفرن الى ان يحمر وجه
والف هنا
