قصيده, بيان من الشعب, شعر عامى , قصيده للشاعره دعاء عبد الوهاب 2024

و يكون رئيسنا المُنتخب ..

لابد تسمع كل صوت ..

صوت الفقير ..

صوت العليل ..

صوت اللى غرقان ف الديون ..

صوت الأجير ..

صوت الوزير ..

صوت اللى محبوس ف السجون ..

عايز حقيقى تكون رئيس ؟؟

لازم يكون قلبك حديد ..

قادر تجيب حق الشهيد ..

و تصون كرامة كل مصرى ..

حتى لو ف بلاد بعيد ..

لازم تكون قد الصعاب ..

عدلَك دا سيف فوق الرقاب ..

تدِّى الحقوق لأهلهـا ..

مش للحبايب و الصحاب ..

تعرف كمان ..

إن الخريف عهدُه انتهى ..

و ان الربيع محتاج شباب !!

لابد تعرف إننــا ..

نقدر نقولك ألف لا ..

مانتاش هتبقى ف يوم إلـه ..

ولا تبقى يوم فوق الحساب !!!