حطي على الكريب صوص الشيكولاتة كريب الفاكهة بالشيكولاتة
المقادير:
4 حبة موز مقطّعة شرائح
¼ كيلو فراولة مقطّعة شرائح
¼ ملعقة صغيرة فانيليا
¼ كوب زبدة سايحة
صوص شيكولاتة للتزيين
2 ملعقة كبيرة زيت
¼ كيلو دقيق
1/ 8 كيلو سكر
½ لتر لبن
3 بيض
رشة ملح
الطريقة:
1- حطّي البيض في طبق غويط وعليه اللبن الدافي، واضربيهم بالمضرب كويس، وضيفي عليهم شوية من الزبدة الساخنة وملعقة زيت.
2- ضيفي على المكونات دي السكر والفانيليا والملح، واضربيهم كويس بالمضرب السلك، وبعد كده حطّي الدقيق تدريجيا لحد ما تحسّي إن المكوّنات متجانسة.
3- حطّي طاسة على النار وادهنيها بالزيت، وابدئي حطّي عجينة الكريب بالكبشة، وكرّري الطريقة دي لحد ما تعملي كمية من الكريب.
4- لفّي الكريب بالموز والفراولة، وحطّيه في طبق التقديم، وحطّي عليه صوص الشيكولاتة، وممكن تزيّنيه بالكريم شانتيه.. وبالهنا والشفا.
شكله جميل
اشكرررك حبيبتى
سهله وبسيطه عجبتني حأجربها
اوكى ياقمر هستنى ردك قوليلى عامله ايه نورتى
